Біздің компаниямыз жайлы жалпы ақпарат.
Дәрілік заттың медицинада қолданылуы
жөніндегі нұсқаулық
Гевискон®
Жоқ
Жалбызды шайнайтын таблеткалар
Бір таблетканың құрамында
белсенді заттар: натрий альгинаты 250 мг,
натрий гидрокарбонаты 133,5 мг,
кальций карбонаты 80 мг;
қосымша заттар: маннитол, макрогол 20 000, магний стеараты, аспартам, коповидон, калий ацесульфамы, жалбыз хош иістендіргіші.
Дөңгелек пішінді, тегіс беткейлі, аздаған теңбілдері, ойығы бар, таблетканың бір жағында шеңбер мен семсер және екінші жағында G 250 бейнеленген, жалбыз иісті, ақ дерліктен крем тәрізді түске дейінгі таблеткалар.
Ойық жараға қарсы басқа да препараттар және гастроэзофагеальді рефлюксті емдеуге арналған препараттар.
ATХ коды A02ВХ
Фармакокинетикасы
Гевискон® препаратының әсер ету механизмі физикалық үдеріс болып табылады және жүйелік қан ағымына сіңуге байланысты болмайды.
Фармакодинамикасы
Гевискон® ішке қабылдаған кезде асқазанның қышқылды құрамын жылдам сезінеді. Бұл ретте рН мәні бейтарап дерлік альгинат гелі түзіледі. Гель гастро-эзофагеальді рефлюкс туындауына кедергі келтіре отырып, асқазан ішіндегісінің беткейінде қорғаныш қабығын қалыптастырады. Регургитация жағдайында гель өңешке түседі, ол жерде шырышты қабықтың тітіркенуін азайтады.
Гастроэзофагеальді рефлюкс симптомдарын (қышқылды кекірік, қыжыл, жүктілерде болатын диспепсия) емдеуде.
Жақсылып шайнап, ішке қабылдайды.
Ересектер және 15 жастан асқан балалар: 2 – 4 таблеткадан тамақтанудан кейін және ұйықтар алдында.
Егде жастағы емделушілер: бұл жас тобы үшін дозаны өзгерту қажет етілмейді.
Егер препаратты 7 күн қабылдағаннан кейін симптомдары сақталып немесе ушығып кеткен болса, дәрігерге қаралу қажет.
Аллергиялық реакциялар болуы мүмкін (есекжем, бронх түйілуі, анафилактикалық реакциялар).
Төрт таблеткадан тұратын дозада натрийдің мөлшері 246 мг (10,6 ммоль) құрайды. Мұны тұз мөлшері өте шектеулі болатын емдәм сақтау қажеттілігі кезінде, мысалы, кейбір жағдайларда іркілісті жүрек жеткіліксіздігі мен бүйрек функциясының бұзылулары жағдайларында ескерген жөн.
Төрт таблеткадан тұратын әрбір дозаның құрамында 320 мг (3,2 ммоль) кальций карбонаты болады. Гиперкальциемиясы, нефрокальцинозы және құрамында кальций бар бүйрек тастары түзілуінің қайталануы баремделушілерді емдегенде сақтық танытқан жөн. Құрамында аспартам болғандықтан бұл препаратты фенилкетонуриясы бар емделушілерге тағайындамау керек. Асқазан сөлі қышқылдығының деңгейі өте төмен емделушілерде препараттың тиімділігі төмендеуі мүмкін. Жеті күн бойы емдегеннен кейін симптомдары басылмаса, онда клиникалық жағдайын қайтадан бағалаған жөн.
Гевискон® жүктілік және бала емізу кезеңінде қолданылуы мүмкін.
Препарат автокөлікті және механизмдерді басқару қабілетіне, сондай-ақ жоғары зейін қою мен психомоторлық реакциялар жылдамдығын қажет ететін басқа да қызмет түрлерімен айналысуға әсер етпейді.
Симптомдары: іштің кебуі байқалуы мүмкін.
Емі: симптоматикалық.
8 таблеткадан поливинилхлорид, полиэтилен, поливинилиденхлорид және алюминий фольгадан тұратын үш қабатты үлбірден жасалған пішінді ұяшықты қаптамада.
2 немесе 4 пішінді ұяшықты қаптамадан қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынады.
16 таблеткадан “flip top” типті қақпағы бар полипропилен контейнерге салынады. Медицинада қолданылуы жөніндегі мемлекеттік және орыс тіліндегі нұсқаулық бүктелетін парақ түрінде контейнерге жапсырылады.
1 контейнер картон қорапшаға салынбайды.
30 ° C-ден аспайтын температурада.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Өндіруші ұйымның атауы мен елі
Рекитт Бенкизер Хелскэр (Ұлыбритания) Лимитед, Ұлыбритания.
Рекитт Бенкизер Хелскэр (Ұлыбритания) Лимитед, Ұлыбритания.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Қазақстан Республикасы, 050040, Алматы қ., «Көктем-1» ы/а, үй 15 «А», 302 кеңсе.
Тел.: + 7 (727) 356 07 52;факс: +7 (727) 356 07 50
Электронды поштасы: contact_ru@reckittbenckiser.com