Урсосан 250 мг № 50 капс

Сипаттама

Дәрілік затты медициналық қолдану

жөніндегі нұсқаулық

УРСОСАН

Саудалық атауы

УРСОСАН

Халықаралық патенттелмеген атауы

Урсодезоксихолий қышқылы

Дәрілік түрі

Капсулалар 250 мг

Құрамы

Бір капсуланың құрамында:

белсенді зат: урсодезоксихолий қышқылы 250 мг;

қосымша заттар: жүгері крахмалы, желатинделген жүгері крахмалы, коллоидты кремнийдің қостотығы, магний стеараты. Желатин капсуланың құрамы: титанның қостотығы (Е171), желатин.

Сипаттамасы

Өлшемі «0», ақ түсті қатты желатинделген капсулалар.

Капсуланың ішіндегісі – ақ немесе ақ дерлік ұнтақ, немесе масса кесектерімен ақ немесе ақ дерлік ұнтақ, немесе бағанмен престелген және басқан кезде ыдырайтын ақ немесе ақ дерлік ұнтақ.

Фармакотерапиялық тобы

Бауыр мен өт шығару жолдары ауруларын емдеуге арналған препараттар. Өт шығару жолдары ауруларын емдеуге арналған препараттар. Өт қышқылдары препараттары. Урсодезоксихолий қышқылы.

АТХ коды А05АА02.

Фармакологиялық қасиеттері

Фармакокинетикасы

Урсодезоксихолий қышқылы (УДКХ) азғана мөлшерде (5%-дан көп емес) адамның денесінде табиғи жолмен өндіріледі. УДХК пероральді қабылдағанда жіңішке ішекте баяу диффузия есебінен, ал мықын ішекте белсенді тасымалдану арқылы тез толық сіңірілуі басталады. Сіңірілу жылдамдығы, әдетте, 60-80% құрайды.УДХК 96-98% плазма ақуыздарымен байланысқан, бауырда тиімді босап шығарылады және глицин мен таурин конъюгаттары түрінде өт арқылы шығарылады. Ішекте конъюгаттардың бір бөлігі қайта конъюгацияланады және қайта сіңірілуі басталады. Конъюгаттар, сондай-ақ, литохолий қышқылына қайта гидроксилденуі мүмкін, олардың бір бөлігі бауырда сіңіріледі, сульфатталады және өт жолдары арқылы шығарылады.

Жүйелі қабылдағанда урсодезоксихолий қышқылы қан сарысуының негізгі өт қышқылы болып табылады (өт қышқылының жалпы мөлшерінің 48 %), бұл уытты өт қышқылының сіңірілуінің төмендеуіне және олардың бауырға түсуіне әкеледі. Препараттың емдік әсері өттегі УДХК концентрациясына байланысты.

Урсодезоксихолий қышқылының биологиялық жартылай шығарылу кезеңі 3-5, 5-8 күнді құрайды.

Фармакодинамикасы

УДХК негізінен холестериннің ұсақталуы және сұйық-кристалды фазаның түзілуі есебінен өт қышқылында холестерин деңгейін төмендететін өт қышқылы болып табылады. Бауырдағы холестерин синтезін, оның ішекте сіңірілуін және өттегі концентрациясын төмендетеді, өт шығару жүйесіндегі холестериннің еруін арттырады, өттің түзілуін және шығарылуын көтермелейді. Ішекте сіңірілуін бәсеңдету есебінен өттің холестеринмен қанығуын, бауырдағы синтезінің бәсеңдеуін және өтке сөліністің төмендеуін азайтады; олармен сұйық кристалдар түзе отырып, өттегі холестериннің еруін арттырады; өттің литогенді индексін төмендетеді. Нәтижесі холестеринді өт тастарының еруі және жаңа конкременттер түзілуінің алдын алу болып табылады.

Жоғарғы полярлық қасиеттерге ие бола отырып, УДХК аполярлық (уытты) өт қышқылдарымен аралас уытты емес мицеллалар түзеді, бұл асқазан рефлюктатының билиарлық рефлюкс-гастритте және рефлюкс-эзофагитте жасушалық жарғақшаларды зақымдау қабілетін төмендетеді. Бұдан бөлек, УДХК жасуша жарғақшаларының құрамына кіруге, оларды тұрақтандыруға және цитоуытты мицеллалардың әсерін қабылдамайтын қылуға қабілетті қосарлы молекулалар түзеді.

Иммуномодуляциялайтын әсері гепатоциттер мен холангиоциттер жарғақшаларында HLA- антигендердің экспрессиясының бәсеңдеуіне, лимфоциттер мен басқалардың табиғи киллерлік белсенділігінің қалпына келуіне байланысты. Бастапқы биллиарлық циррозы, муковисцидозы және алкогольдік стеатогепатиті бар науқастарда фиброздың үдеуін сенімді түрде кідіртеді, өңеш венасының варикоздық кеңеюінің даму қаупін төмендетеді.

Кисталық фиброз – балалар популяциясы. УДХК көмегімен гепатобилиарлық аурумен байланысты (CFAHD) кисталық фиброзы бар пациент балаларды 10 жылға дейін және одан да көпке баратын ұзақ мерзімдік емдеу тәжірибесіне қол жеткізілген. УДХК көмегімен емдеу өт жолдарының пролиферациясын шектеуі, тіндердің зақымдалуының таралып кетуін тоқтату жәнеCFAHD ерте сатысында гепатобилиарлық өзгерістердің кері дамуына ықпал ету мүмкіндігі туралы деректер бар. УДХК көмегімен емдеуді емнің тиімділігін оңтайландыру үшін CFAHD диагнозы қойылғаннан кейін мүмкіндігінше ертерек бастау керек.

Қолданылуы

- өт қалтасындағы рентген негативті холестериндік тастарды еріту үшін, бұл ретте өт қалтасының функциясы бұзылмауы тиіс.

- декомпенсация белгілері болмағанда бауырдың бастапқы биллиарлық циррозын (ББЦ) емдеуде.

-6-дан 18 жасқа дейінгі балалардағы муковисцидозбен байланысты гепатобилиарлық бұзылуларды емдеуде.

Қолдану тәсілі және дозалары

ББЦ емдеуде және рентген сәулесі өткізетін өт тастарын еріту үшін Урсосан 250 мг қатты капсулаларын қолдануға жас шектеулері қойылмаған.

Түрлі көрсетілімдерде мына тәуліктік дозаны қолдану ұсынылады:

Өт қалтасы тастарының еруі:

Ересектер: Әдеттегі доза кешке қабылдау үшін күніне 8-12 мг/кг құрайды, мысалы, күнделікті кешке - 750 мг.

Өт тастарын ерітуге қажетті мерзім тастың мөлшері мен құрамына байланысты6-дан 24 айға дейін құбылып отыруы мүмкін.

Кейінгі холецистограмманы немесе УДЗ өт тастары жоғалғанға дейін 6 ай аралықпен жүргізген дұрыс.

Кейінгі 2 холецистограмма және/немесе 4-12 апта аралықпен жасалған УДЗ өт тастарының жоқтығын көрсеткенге дейін емдеуді жалғастыра беру керек. Бұл аталған техникалар диаметрі 2 мм-ден кем тастарды дұрыс көрсетпейтіндігімен байланысты. Өт қышқылын қолдану нәтижесінде еріп кеткеннен кейін өт тастарының қайта пайда болу ықтималдығы 5 жыл аумағында 50%-ға бағаланып отыр. Рентгенконтрастылы немесе жартылай рентгенконтрастылы өт тастарын емдеуде Урсосан тиімділігі тестіленбеген, бірақ мұндай тастардың, әдетте, рентген сәулесін өткізетін тастарға қарағанда еруге қабілеті төмендігі болжануда. Рентген сәулесін өткізетін тастардың 10-15%-ы холестеринді емес тастар, олар өт қышқылдарымен ерімейді.

Капсулаларды ұйықтар алдында күніне 1 рет шайнамай, аз мөлшердегі сұйықтықпен қабылдау керек. Ұдайы қолдану керек.

Емдеу ұзақтығы 6-24 ай. Егер 12 ай өткен соң тастардың көлемі кішіреймесе, онда емді жалғастырудың қажеті жоқ. Емдеу тиімділігін бақылау ультрадыбыстық зерттеудің немесе әр 6 ай сайын рентген зерттеулерінің көмегімен жүзеге асырылады. Кейінгі тексерулерде тастар кальцинозы туындамағанын тексеріп алу керек. Егер бұл орын алған жағдайда, емді тоқтату керек.

Билиарлықрефлюкс-гастритті емдеу:

Урсосанды азғанамөлшердегі сұйықтықпен іше отырып, күнделікті кешке немесе ұйықтар алдында бір капсуладан тағайындайды.

Емдеу курсы 10-14 күнді құрайды. Жалпы, қолдану ұзақтығы ауру ағымына байланысты.

Бастапқы билиарлық цирроз (ББЦ)

Тәуліктік доза дене салмағына байланысты және 3-тен 7 капсулаға дейін құбылып отырады (дене салмағының әр кг-на 14 ± 2 мг УДХК).

Алғашқы үш ай емдегенде Урсосан капсулаларын күні бойы қабылдауға бөлу керек. Бауыр сынамаларының мәндері жақсарғанда тәуліктік дозаны күніне бір рет кешке қабылдауға болады.

Капсулаларды тұтастай жұту және азғана мөлшердегі сумен ішу керек. Ұдайы қабылдап отыру қажет.

ББЦ жағдайында капсулалардағы Урсосан препаратын шектеусіз уақыт кезеңі бойына қабылдай беруге болады.

Емнің басында клиникалық симптомдар нашарлаған (қышыну күшейген) жағдайда Урсосан препаратын күнделікті бір капсуладан қабылдай отырып, емді жалғастыра беру керек, әрі қарай ұсынылған дозалау режиміне қол жеткізгенге дейін дозаны (апта сайын тәуліктік дозаны бір капсулаға арттыра отырып) біртіндеп арттыруға болады.

Егде жастағы пациенттер

Ересектердің дозасын түзету қажеттігіне дәлел жоқ, бірақ белгілі бір сақтықты ұстану қажет.

Балалар популяциясы (6-18 жас)

Холестеринге бай өт тастары және ББЦ балаларда өте сирек кездеседі, бірақ олар пайда болған кезде дозасы дене салмағына сәйкес болуы тиіс. Бұл популяциядағы тиімділігі мен қауіпсіздігі туралы талапқа сай деректер жоқ.

Кисталық фиброзбен байланысты гепатобилиарлық бұзылулар.

6-дан 18 жасқа дейінгі кисталық фиброзы бар балалар: 2-3 бөлінген дозада күніне 20 мг/кг, әрі қарай қажетіне қарай дозаны күніне 30 мг/кг дейін арттыруға болады.

Жағымсыз әсерлері

Жағымсыз әсерін бағалау мына жиіліктегі деректерге негізделеді:

Өте кең таралған (≥ 1/10)

Кең таралған (≥ 1/100-ден<1/10 дейін)

Кең таралмаған (≥ 1/1 000-нан<1/100 дейін)

Сирек (≥ 1/10 000-нан <1/1 000 дейін)

Өте сирек / Белгісіз (<1/10 000 /қолжетімді деректер негізінде бағалау мүмкін емес)

Бауыр мен өт шығару жолдарының аурулары:

УДХК көмегімен емдеу барысында өте сирек жағдайларда өт тастарының ізбестенуі байқалған.

ББЦ кеш сатыларын емдеу барысында өте сирек жағдайларда емдеуді тоқтатқаннан кейін ішінара регрессиялануымен бауыр циррозы декомпенсациясы байқалған.

Асқазан-ішек жолдары аурулары:

Клиникалық сынақтарда УДХК көмегімен емдеу барысында паста тәрізді нәжіске немесе диареяға жиі шағымданған.

Өте сирек жағдайларда УДХК көмегімен емдеу барысында іштің оң жақ жоғарғы бөлігінің жедел ауыруы пайда болған.

Тері және теріасты тіні аурулары:

Өте сирек жағдайларда есекжем пайда болуы мүмкін.

Жағымсыз реакцияларға күдік туындауы туралы хабарламалар

Жағымсыз реакцияларға күдіктенгенде мына мекенжайға хабарласу керек:

«ПРОМ.МЕДИК.КАЗ» ЖШС

Алматы қ., Достық д-лы, 132, 9 кеңсе,

тел. 8(727)260-89-36, е‑mail: sekretar@prommedic.kz

Қолдануға болмайтын жағдайлар

- өт қалтасының немесе өт жолдарының жедел қабыну аурулары

- өт жолдарының бітелуі (жалпы өтжолының немесе өт қалтасы жолыныңбітелуі)

- өт шаншуларының жиі ұстамалары

- рентгенконтрастылы ізбестелгенөт тастары

- өт қалтасының жиырылу қабілетінің бұзылуы

- өт қышқылдарына немесе препарат құрамына кіретін кез келген қосымша затқа жоғары сезімталдық

- сәтті нәтижеге әкелмейтін немесе егер өт жолдарының атрезиясы бар балаларда жеткілікті өт ағымы қалпына келтірілмегенпортоэнтеростомия

- 6 жасқа дейінгі балалар

Дәрілермен өзара әрекеттесуі

Капсулалардағы Урсосан препаратын холестираминмен, холестиполмен немесе құрамында алюминий гидроксиді және/немесе смектит (алюминий тотығы) бар антацидтермен бір мезгілде тағайындауға болмайды, себебі бұл препараттар ішекте УДХК тұтқырландырады, демек оның сіңірілуін және тиімділігін тежейді. Егер құрамында жоғарыда көрсетілген заттардың қандай да бірі бар препаратты тағайындау қажет болса, оны Урсосанды қабылдағанға дейін кемінде 2 сағат бұрын немесе кейінқабылдау керек.

Капсулалардағы Урсосан препараты ішекте циклоспориннің сіңірілуіне әсер етуі мүмкін. Демек, циклоспоринмен ем қабылдайтын пациенттердің қанындағы осы заттың концентрациясын дәрігер тексеріп отыруы тиіс және циклоспорин дозасы тиісінше бейімделуі тиіс.

Жекелеген жағдайларда капсулалардағы Урсосанципрофлоксациннің сіңірілуін төмендетуі мүмкін.

УДХК (күніне 500 мг) және розувастатинді (күніне 20 мг) бір мезгілде қолдану жеңіл дәрежеде плазмадағы розувастатин деңгейінің жоғарылауына әкелді. Бұл өзара әрекеттесудің клиникалық релеванттылығы, соның ішінде басқа статиндерге қатысты белгісіз.

УДХК плазмадағы шектік концентрацияны (Cmax) және кальций нитрендипині антагонисінің фармакокинетикалық қисық астындағы ауданын (AUC) төмендетіні туралы деректер бар. Нитрендипин мен УДХК бір мезгілде қолдану нәтижесін мұқият қадағалап отыру ұсынылады. Нитрендипин дозасын арттыру қажет болуы мүмкін. Дапсонның емдік әсерінің төмендеуіне әкелетін өзара әрекеттесу орын алғандығы туралы деректер де бар. Бұл бақылаулар УДХК-ның P450 3A цитохромдық ферменттерінің индукциялануына әлеуетін білдіруі мүмкін. Алайда, цитохромдық P450 3A субстрат ретінде белгілі будесонидпен өзара әрекеттесуінің жақсы жүргізілген зерттеулері барысында индукция байқалмаған.

Эстрогенді гормондар және клофибрат сияқты холестерин деңгейін төмендететін дәрілер бауыр холестеринінің бөлінуін көтермелейді және өт тастарын еріту үшін пайдаланылатын урсодезоксихолий қышқылына қарсы әсер ретінде билиарлық литиазды көтермелеуі мүмкін.

Айрықша нұсқаулар

Урсодезоксихолийқышқылы капсулаларын дәрігердің тағайындауы бойынша қабылдау керек.

Емдеудің алғашқы үш айында дәрігер4 апта сайын, кейіннен әр 3 ай сайын АСТ (SGOT), АЛТ (SGPT) және ГГТ (γ-GT) бауыр функциясы көрсеткіштерін тексеріп отыруы тиіс. Бұл ем қабылдаған пациенттердің ішінде емдеуге реакция беретін және реакция бермейтін адамдарды анықтауға мүмкіндік беруімен қатар, әсіресе ББЦ кеш сатысындағы пациенттерде бауырдың әлеуетті зақымдалуының ертерек кезеңінде анықтауға мүмкіндік береді.

Холестериндік өт тастарын еріту үшін пайдаланғанда:

Емдеу тиімділігін бағалау үшін, сондай-ақ өт тастарының қандай да бір ізбестенуін уақытында анықтау үшін тас өлшеміне байланыстыөт қалтасының (оральді холецистография) – жалпы түрін және окклюзиясын емді бастағаннан кейін 6-10 ай өткен соңтұрған қалыпта және шалқасынан жатқан қалыпта көріністеу (УДЗ көмегімен тексеру) қажет.

Егер рентген түсірілімде өт қалтасын көріністеу мүмкін болмаса,немесе өт тастары ізбестенгенде, өт қалтасының жиырылу қабілеті бұзылғанданемесе билиарлық шаншулар жиі көрініс бергенде Урсосанды қолдануға болмайды.

Өт тастарын еріту үшін Урсосан қабылдайтын пациент әйелдер тиімді гормональді емес контрацепция әдісін пайдалануы тиіс, себебі гормональді контрацептивтер билиарлық литиазды ушықтыруы мүмкін.

Бастапқы билиарлық цирроздың кеш сатысын емдеу үшін пайдаланғанда:

Өте сирек жағдайларда емді тоқтатқаннан кейін ішінара регрессиямен бауыр циррозы декомпенсациясы байқалған.

ББЦ бар пациенттерде өте сирек жағдайларда емнің басында клиникалық симптомдар нашарлауы, яғни қышыну ушығуы мүмкін. Мұндай жағдайда дозаны күніне 250 мг-ге дейін төмендету және 4.2 бөлімінде көрсетілгендей, ұсынылған дозаға дейін біртіндеп арттыру керек.

Диарея жағдайында дозаны төмендету, ал диарея тоқтамаған жағдайда емдеуді тоқтату керек.

Жүктілік және лактация кезеңі

УДХК емдегеннен кейін бала тууға әсері туралы деректер жоқ.

Урсодезоксихолий қышқылын жүкті әйелдерге қолдану туралы деректер жоқ немесе шектеулі. Жүктіліктің ерте сатысы бойына тератогенді әсерінің болуы туралы деректер бар. Айқын қажеттілігі болмаса, Урсосан капсулаларын жүктілік кезінде қолдануға болмайды. Бала туу жасындағы әйелдер тек сенімді контрацепциялық дәрілерді пайдалану аясында ғана препаратты қабылдаулары тиіс.

Гормональді емес контрацепция әдістерін немесе эстрогендер мөлшері төмен дәрілерді қолдану ұсынылады. Өтқалтасы тастарын бұзу мақсатында 250 мг Урсосан капсулаларын қабылдайтын пациенттерде гормональді емес контрацепция әдістерін қолдану қажет, себебі гормональді ұрықтандыруға қарсы дәрілертас түзілуіне ықпал етуі мүмкін. Ем басталғанға дейін жүктілік ықтималдығы жоққа шығарылуы тиіс.

Бірнеше расталған жағдайларға сәйкес бала емізетін әйелдердің сүтіндегі урсодезоксихолий қышқылының концентрациясы көп емес; емшек еметін сәбилерде жағымсызреакциялардың туындау ықтималдығы аз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Симптомдары: диарея. Бұл жағдайда дозаны азайту керек, ал егер іш өтуі (диарея) басылмаса, емдеуді тоқтату қажет. Басқа артық дозалану симптомдарының ықтималдығы аз, себебі урсодезоксихолий қышқылының сіңірілуі дозаны арттырумен төмендейді, демек нәжіспен көбірек бөлініп шығарылады.

Емі: сұйықтық көлемінің және электролиттік теңгерімді компенсациялаумен симптоматикалық ем.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.

1, 5 немесе 10 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде 15–25 °С дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл.

Жарамдылық мерзімі өткеннен кейін қолданбау керек.

Дәріханалардан босатылу шарттары

Рецепт арқылы

Өндіруші / ТК ұстаушысы

ПРО.МЕД.ЦС Прага а.о.

Телчска 377/1, Михле, 140 00 Прага 4, Чех Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ПРОМ.МЕДИК.КАЗ» ЖШС

Алматы қаласы, Наурызбай ауданы, Рахат ықшам ауданы, Асанбай Асқаров көшесі, үй 21/1, т.е. 1 а; телефон 2608936; еmail: sekretar@prommedic.kz

Дәріханалар

Қалалар