Тауарлардың көрінісі фотосуретте көрсетілгеннен өзгеше болуы мүмкін

Туссамаг 200 мл сироп

Қолжетімділігі
Тауар қолда жоқ
Үлгі
4030096805049
Елі
Германия
Өндіруші
Ратиофарм
  • Сипаттама

Сипаттама

Дәрілік затты медициналық қолдану

жөніндегі нұсқаулық

Туссамаг

Саудалық атауы

Туссамаг

Халықаралық патенттелмеген атауы

Жоқ

Дәрілік түрі

Шәрбат 200 г

Құрамы

100 г шәрбаттың құрамында
белсенді зат - 9,001 г жебіршөп сұйық экстрактісі,

қосымша заттар: талшын жапырақтарының қою экстрактісі, натрий бензоаты, 25% хлорсутек қышқылы, 85% глицерин, 66,5% сахароза ерітіндісі, карамель Церестар бояғышы, тазартылған су.

Сипаттамасы

Жебіршөптің өзіндік иісі бар, мөлдір қоңыр түсті сұйықтық

Фармакотерапиялық тобы

Респираторлық жүйе. Жөтел және суық тию симптомдарын жоюға арналған препараттар. Қақырық түсіретін препараттар

АТХ коды R 05СА

Фармакологиялық әсері

Фармакокинетикаcы

Жебіршөп экстрактісінің негізгі компоненті тимол асқазан-ішек жолынан жылдам және толық дерлік сіңеді. Жебіршөп экстрактісін қабылдағаннан кейін 20 минуттан соң плазмада тимол сульфатын байқауға болады. Плазмадағы тимол сульфатының ең жоғары деңгейіне (93 нг/мл) шамамен 2 сағаттан кейін жетеді, ол плазмада 38 сағатқа дейін анықталады. Жартылай шығарылу кезеңі 10,2 сағатты құрайды. Тимол өкпе арқылы, несеппен тимол сульфаты мен глюкуронид түрінде 24 сағаттан соң шығарылады. Бүйректік клиренсі сағатына 0,27 л құрайды.

Фармакодинамикасы

Құрамында жебіршөп экстрактісі бар өсімдік тектес препарат. Жебіршөп экстрактісінің компоненттері (тимол, карвакрол және т. б.) қақырық түсіретін әсер береді, қақырықты сұйылтады, оның тұтқырлығын азайтып, жақсы жылжуына ықпал етеді, бронх шырышты қабығының ісінуі мен қабынуыназайтады.

Қолданылуы

- жоғарғы тыныс алу жолдарының суық тию ауруларында

Қолдану тәсілі және дозалары

Шырынды сұйылтпай қабылдауға, немесе басқа сұйық заттармен (шаймен, жеміс шырынымен) араластыруға болады. Препаратты қабылдау тамақтануға байланысты емес. Шәрбатты жұтпастан бұрын, мүмкіндігінше ауызда ұзағырақ ұстау ұсынылады. Шәрбаттың ұсынылатын көлемін стерильді бір реттік шприцтің көмегімен өлшеп алуға болады.

Ересектер: 4-6 мл күніне 3 рет.

12 жастан асқан балалар: 2 мл күніне 4 рет.

4-тен 12 жасқа дейінгі балалар: 2 мл күніне 3-4 рет.

2-ден 4 жасқа дейінгі балалар: 2 мл күніне 3 рет.

Емдеу курсының ұзақтығы дәрігердің ұсынымдарына байланысты.

Жағымсыз әсерлері

Өте сирек

- жоғары сезімталдық реакциялары (ентігу, бөртпе, есекжем, Квинке ісінуі)

Кейде

- асқазан-ішек бұзылыстары (түйілулер, жүрек айнуы, құсу, диарея)

Қолдануға болмайтын жағдайлар

- жебіршөпке немесе басқа да ерінгүл тұқымдастарына, қайыңға, жусанға, балдыркөкке жоғары сезімталдық

- маскүнемдік, эпилепсия, бауыр аурулары

- жүктілік және лактация кезеңі

- 2 жасқа дейінгі балалар

- фруктоза, глюкоза-галактоза жақпаушылығы, сахараза-изомальтаза тапшылығы

Дәрілермен өзара әрекеттесуі

Белгісіз

Айрықша нұсқаулар

Бір аптадан аса созылған жөтелге шағымданғанда, ентігу, қызба немесе іріңді немесе қан аралас қақырық байқалғанда дәрігермен кеңескен жөн.

Препарат құрамында көлемі бойынша 4% спирт бар (1 мл препаратта 0,04 г спирт бар), сондықтан бауыр функциясының бұзылуы, маскүнемдік, эпилепсия, органикалық аурулар немесе ми жарақаттары бар пациенттерге қолданылмайды.

Құрамында спирт болғандықтан, жебіршөп сұйық экстрактісі ерітінділерін қолдану допинг-бақылау кезінде оң нәтижелер береді.

Препаратты ойық жара ауруы, асқазан-ішек жолы, қалқанша без, бауыр мен бүйрек ауруларында қабылдау ұсынылмайды.

Препарат құрамында өсімдіктен алынған экстракт бар, ол шәрбаттың сәл бұлыңғырлануына немесе құты түбіне шөгуіне әкелуі мүмкін, алайда бұл препараттың тиімділігіне әсер етпейді.

Қант диабетінен зардап шегетін науқастарға арналған нұсқау

6 мл шәрбаттың құрамында 3,98 г сахароза бар, бұл 0,3 НБ сәйкес келеді.

Педиатрияда қолданылуы

Шәрбаттың бір реттік дозасында (2 мл) 80 мг спирт бар. 12 жастан кіші балалар препаратты тек дәрігердің бақылауымен қабылдауы тиіс.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында спирт бар, сондықтан көлік құралын немесе қауіптілігі зор механизмдерді басқару кезінде осыны ескерген жөн.

Артық дозалануы

Симптомдары: концентрацияланған эфир майының едәуір мөлшерін қабылдағаннан кейін асқазан-ішек жолы шырышты қабығының құсу, диарея түріндегі тітіркену симптомдары байқалған. Ауыр жағдайларда құрысулар, пневмония, елестеулер, атаксия, кома және бүйрек асқынулары болуы мүмкін.

Емі: асқазанды шаю, белсендірілген көмір тағайындау, қажет болғанда диурезді бақылау, симптоматикалық ем.

Шығарылу түрі және қаптамасы

200 г шәрбаттан бұрандалы қақпағы бар шыны құтыда.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Құтыны ашқаннан кейін 5 ай ішінде қолдануға болады.

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

«Merсkle GmbH», Ульм, Германия

Тіркеу куәлігінің ұстаушысы

«ratiopharm GmbH», Ульм, Германия

Қазақстан Республикасы аумағында тұтынушылардан дәрілік заттыңсапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)::

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы-Тау БО, 5Б, 6 қабат. Телефон: (727)3251615;

е-mail: info.tevakz@tevapharm.com; веб сайт: www.teva.kz