Ринозол форте 15 мл, наз. спрей

Сипаттама

Дәрілік затты медициналық қолдану

жөніндегі нұсқаулық

РИНОЗОЛ - ФОРТЕ ^®

Саудалық атауы

РИНОЗОЛ - ФОРТЕ ^®

Халықаралық патенттелмеген атауы

Жоқ

Дәрілік түрі

Мұрынға арналған спрей 15 мл

Құрамы

1 мл ерітіндінің құрамында

белсенді заттар: неомицин сульфаты 1.0 мг,

дифенгидрамин гидрохлориді 1.0 мг,

нафазолин гидрохлориді 0.5 мг

қосымша заттар: натрий хлориді, поливинил спирті, бензалконий хлориді (100% затқа шаққанда), динатрий фосфатының додекагидраты, натрий дигидрофосфатының дигидраты, трилон Б, инъекцияға арналған су.

Сипаттамасы

Түссіз немесе аздаған сары мөлдір сұйықтық. Ерітіндінің аздап бұлыңғырлануы мүмкін

Фармакотерапиялық тобы

Респираторлық жүйе. Мұрынға арналған препараттар. Жергілікті қолдануға арналған антиконгенстанттар және мұрынға арналған басқа препараттар. Симпатомиметиктер, біріктірілімдер, кортикодтарды қоспағанда.

АТХ коды R01AB02

Фармакологиялық қасиеттері

Фармакокинетикасы

Нафазолиннің емдік әсері препаратты мұрын ішіне қолданғаннан кейін 5 минуттан соң пайда болады және 8 сағатқа дейін жалғасады, препаратты жиі қолданған кезде әсер ету ұзақтығы 6 сағатқа дейін қысқаруы мүмкін. Нафазолинді жергілікті қолданған кезде қан ағысында жүйелік сіңуі және жүйелік әсер етуі мүмкін. 6 жасқа дейінгі балаларда және егде жастағы адамдарда жүйелік әсер пайда болуы ықтимал.

Жергілікті қолданған кезде дифенгидраминнің және неомициннің жүйелік сіңуі төмен.

Фармакодинамикасы

Қантамырды тарылтқыш, қабынуға қарсы, микробтарға қарсы және аллергияға қарсы әсерлері бар біріктірілген препарат. Бұл нафазолин гидрохлоридінің (нафтизиннің) симпатомиметикалық, қантамырды тарылтқыш компонентінің, гистаминге қарсы қасиеттері бар белсенді зат дифенгидрамин гидрохлоридінің (димедролдың) және аминогликозидтер тобына жататын әсер ету өрісі ауқымды антибиотик – неомин сульфатыныңболуымен жүзеге асады.

Нафазолин альфа 2-адренрецепторларын стимуляциялайды, ол шеткері қан тамырларының тарылуына әкеледі, артериялық қысымды арттырады, қарашықты кеңейтеді. Препараттың қантамырды тарылтқыш әсерінің салдарынан ісіну, гиперемия, экссудация азаяды.

Дифенгидрамин 1 буынды Н₁-рецепторлардың антагонисі болып табылады. Гистаминдік Н₁-рецепторларын бәсекелес түрде бөгеу арқылы препарат қан тамырларын кеңейту және өткізгіштігін арттыру сияқты аллергиялық симптомдардың (атап айтқанда гистаминнің босап шығуымен байланысты) дамуын тежейді, аллергияға қарсы әсер етіп, ісінуді, қышынуды және жас ағуды азайтады.

Неомицин бактерицидтік әсер етеді. Әсер ету механизмі рибосомаға тікелей әсер етуімен және бактериялық жасушалардың ақуыз синтезінің тежелуімен байланысты. Көптеген грамтеріс және грамоң микроорганизмдерге қатысты, соның ішінде Esherichia coli, Shigella spp., Proteus spp., Staphylococcus aureus, Streptococcus pneumoniae қатысты белсенді.

Pseudomonas aeruginosa және Streptococcus spp. микроорганизмдеріне қатысты белсенділігі аз.

Патогенді зеңдерге, вирустарға, анаэробтық бактерияларға қатысты белсенді емес. Неомицинге микроорганизмдердің төзімділігі баяу және аздаған дәрежеде дамиды.

Қолданылуы

- риниттерде, гаймориттерде және шығу тегі инфекциялық-қабынбалы синуситтер (оның ішінде аллергиялық көріністермен)

Қолдану тәсілі және дозалары

Ересектер мен 6 жастан асқан балаларға 5-7 күн бойы мұрынның әрбір қуысына тәулігіне 3-4 рет 1-2 спрей дозасы.

Емдеуші дәрігердің кеңесінсіз препаратты көрсетілген мерзімнен асырып қолдану ұсынылмайды.

Ашылған қаптаманы пайдалану 4 аптадан аспауы керек.

Жағымсыз әсерлері

- мұрын-жұтқыншақта жылдам өтпелі ауыру сезімі немесеашыту(мұрын ішіне қолданғаннан кейін алғашқы секундтарда)

- реактивті гиперемия, мұрын шырышты қабығының ісінуі, мұрын қуысы шырышты қабығының аздап құрғауы, антибиотикке төзімді емес микроорганизмдердің, оның ішінде зеңдердің өсуінің күшеюі (ұзақ пайдаланғанда)

Қолдануға болмайтын жағдайлар

-препаратқа және оның құрамдастарына жоғары жекелей сезімталдық

- созылмалы ринит

- атрофиялық ринит

- моноаминоксидаза тежегіштерін немесе трициклді антидепрессанттарды бір мезгілде қабылдау және оларды тоқтатқаннан кейін 14 күнге дейінгі кезең

- лактация кезеңі

- 6 жасқа дейінгі балалар

Дәрілермен өзара әрекеттесуі

Нафазолин жергілікті анестезиялаушы дәрілердің сіңірілуін баяулатады (беткейлік анестезия жүргізгенде олардың әсерін ұзартады).

Трициклдық антидепрессанттармен (мапротилин) және МАО тежегіштерімен (ниаламид, бефол) үйлеспейді - артериялық қысымның жоғарылауы мүмкін, бұл нафазолиннің әсерімен жинақталған катехоламиндердің босап шығуымен негізделген.

Орталық жүйке жүйесі стимуляторларының әсерін күшейтеді.

Пероральді тағайындалатын гипотензиялық дәрілердің емдік белсенділігін төмендетеді.

Дифенгидраминнің және орталық жүйке жүйесін стимуляциялайтын дәрілік препараттардың әсерлері өзара азаюы мүмкін.

Жергілікті қолданудан кейін неомициннің жүйелік сіңуі кез келген өзара әрекеттесу қаупі өте аз болатындай соншалықты төмен. Офтальмологиялық препараттарды қолданумен қатарлас ем жүргізуде оларды қолдануда 10-15 мин аралықты ұстану керек.

Айрықша нұсқаулар

Ерітіндінің ластануын болдырмау үшін, құтыны тығыз жауып сақтаңыз және ұштықтың қандай да бір беткеймен жанасуынан абай болыңыз.

Препаратты ұзақ қолданғанда төзімділік дамиды.

Артериялық гипертензиясы, айқындалған атеросклероз, жүрек ырғағының бұзылулары, симпатомиметиктерге (оның ішінде гипертиреоз, қант диабеті, жабық бұрышты глаукома, қуық үсті безінің гипертрофиясы) аса сезімталдығы, бронх демікпесімен, сондай-ақ егде жастағы тұлғаларға сақтықпен тағайындайды.

Педиатрияда қолданылуы

Дәрілік заттың 6 жасқа дейінгі балалардағы тиімділігі және қауіпсіздігі бойынша деректері жоқ.

Жүктілік

Жүктілік кезінде препаратты қолдану күтілетін әсер ұрықта асқынулардың даму қаупінен жоғары болса мүмкін болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ықпал етпейді.

Артық дозалануы

Жергілікті қолданудың ұсынылатын режимінде артық дозалануы қазіргі уақытқа дейін анықталмаған.

Шығарылу түрі және қаптамасы

15 мл-ден полиэтиленді спрей-құтыларда.

1 спрей-құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге алғашқы ашылуы бақыланатын картон қорапшаға салынған.

Сақтау шарттары

Жарықтан қорғалған жерде, 15⁰С-ден25⁰С-гедейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Құтыны ашқаннан кейін препараттың сақталу мерзімі - 4 апта.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«ЛеКос» ЖШС

050000, Алматы қ-сы, Қабанбай батыр к-сі, 114-13, тел.: 308-10-67.

Тіркеу куәлігінің иесі

«ЛеКос» ЖШС, Қазақстан

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, Алматы облысы, Қарасай ауданы, Кемертоған кенті, тел.: 308-10-67, ұялы тел.: +7 777 788 3809

e-mail: lecos1@mail.ru

Қалалар