Рапитус 30 мг/5 мл, 120 мл, сироп, от кашля
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Рапитус 30 мг/5 мл, 120 мл, сироп, от кашля

2054
Қолжетімділігі
Сатылымда бар
Үлгі
8901463096338
Елі
Индия
Өндіруші
Маклеодз
  • Сипаттама
  • Дәріханалар

Сипаттама

Дәрілік заттың медицинада қолданылуы жөніндегі нұсқаулық

РАПИТУС

Саудалық атауы

Рапитус

Халықаралық патенттелмеген атауы

Леводропропизин

Дәрілік түрі

30 мг/5 мл, 120 мл шәрбат

Құрамы

5 мл шәрбаттың құрамында

белсенді зат - 30 мг леводропропизин бар,

қосымша заттар: натрий метилапарагидроксибензоаты, натрий пропилпарагидроксибензоаты, натрий кармеллозасы, сұйық сорбитол (кристалданбаған), натрий сахарині, лимон қышқылы моногидраты, понсо 4R супра, апельсин хош иістендіргіші №1, жеміс хош иістендіргіші RSV, тазартылған су.

Сипаттамасы

Тәтті иісі бар қызылдау түсті шәрбат тәрізді сұйықтық

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретіндермен біріктірілімдерін қоспағанда. Жөтелге қарсы басқа да препараттар. Леводропропизин

АТХ коды R05DB27

Фармакологиялық қасиеттері

Фармакокинетикасы

Леводропропизин асқазан-ішек жолынан жылдам сіңеді. Плазмадағы ең жоғары концентрациясына 40-60 минуттан соң жетеді. Зат организмде жақсы таралады. Жартылай шығарылу кезеңі 1-2 сағатты құрайды. Өзгермеген күйінде және гидрокси-метаболит түрінде негізінен несеп арқылы шығарылады. 48 сағат өткеннен кейін метаболиттің мөлшері енгізілген дозаның шамамен 35% құрайтын болады.

Фармакодинамикасы

Леводропропизин негізінен шеткері әсер ететін, әртүрліреспираторлық ауруларда пайда болатын өнімсіз, немесе құрғақ,тамақты қырнаған қақырықсыз жөтел кезінде трахеобронхиальді рецепторлардың қозғыштығын төмендету арқылы жөтел рефлексін тежейтін жөтелге қарсы дәрі болып табылады. Леводропропизин бронхтардың бұлшықеттерін босаңсытады, сол арқылы өкпенің желдетілуін жақсартады, және тыныс алу функциясын немесе мукоцилиарлы клиренсті бәсеңдетпейді әрі құсуға әкеліп соқтырмайды. Леводропропизин сезімтал жүйкелердің шеткері ұштарының стимуляциясын және жөтел рефлексіне тартылған нейропептидтердің модуляциясын тежеу жолымен жөтелді басады. Бұл орайда спирометриялық параметрлерді, бронх сөлінісінің реологиялық қасиеттерін және бронхтар эпителийінің цилиарлық белсенділігін өзгертпейді.

Препаратгистаминнен туындаған бронх констрикциясына лизистік әсерін де көрсетеді, сондықтан да шығу тегі аллергиялық жөтел кезінде кейбір әсері көрінеді.

Жөтелге қарсы әсер, кем дегенде, 6 сағат бойы сақталады. Емдік дозаларда пайдаланған кезде леводропропизин орталық жүйке жүйесіне,жүрек-қан тамыр және тыныс алу функциясына елеулі әсер етпейді және тәуелділік туғызбайды. Седативтік әсері өте әлсіз.

Қолданылуы

-құрғақ өнімсіз жөтелді симптоматикалық емдеуде

Қолдану тәсілі және дозалары

Препаратты ас қабылдауға дейін 1 сағат бұрын немесе 2 сағаттан кейін қабылдау керек.

Ересектер мен 12 жастан асқан балалар: дозалар арасына кем дегенде 6 сағат аралық сала отырып, 10 мл-ден (1толық өлшеуіш қалпақша) күніне 3 рет.

2 жастан асқан балалар: дене салмағының әр кг-на 1 мг-ден (бір реттік доза) күніне 3 рет. Ең жоғары тәуліктік доза дене салмағына 3 мг/кг. Есептеу ыңғайлы болуы үшін дозаны былайша дөңгелектеуге болады: баланың дене салмағы 10-20 кг болғанда 2,5 мл шәрбаттан күніне 3 рет; салмағы 20-30 кг - 5 мл шәрбаттан күніне 3 рет.

Емдеу ұзақтығын емдеуші дәрігердің тағайындауына қарай немесе жөтел жойылғанға дейін жалғастырады. Дегенмен егер 2 апта өткенде жөтел қайтпаса, препаратты қабылдауды тоқтату және дәрігерге қаралған жөн.

Жағымсыз әсерлері

Өте сирек(<1/10000)

- аллергиялық және анафилактоидты реакциялар, жалпы дімкәстік

- жүрек айнуы, құсу, диарея, диспепсия, қыжыл, іштегі жағымсыз әсерлер, іштің ауыруы, тәбеттің төмендеуі

- шаршағыштық, астения, естен тану, ұйқышылдық, парестезия, жансыздану бас айналу, бас ауыру, ашушаңдық
- тері бөртпесі, қышыну, есекжем, эритема, экзантема, ангионевроздық ісіну және аса жоғары сезімталдықтың басқа да теріреакциялары
- кардиопатия, тахикардия, гипотония.

Жиілігі белгісіз:

- эпидермолиз, глоссит, афтозды қызба, холестаздық гепатит, анасарка, естен тану, астения, мидриаз, жүрек аритмиясы (жүрекше бигеминиясы)

Қолдануға болмайтын жағдайлар

  • леводропропизинге немесе препараттың басқа компоненттеріне жоғары сезімталдық
  • жөтелгенде қақырықтың көп бөлінуі (бронхорея)
  • бронхтардың мукоцилиарлық функциясының төмендеуі (Картагенер синдромы, цилиарлы дискинезия)
  • бауырдың ауыр жеткіліксіздігі
  • жүктілік және лактация кезеңі
  • 2 жасқа дейінгі балалар


Дәрілермен өзара әрекеттесуі

Седативті әсер ететін препараттармен бір мезгілде қолданғанда леводропропизиннің орталық жүйке жүйесін бәсеңдететін әсері күшеюі мүмкін.

Айрықша нұсқаулар

Леводропропизиннің фармакокинетикалық бейіні егде жастағы пациенттерде өзгермейді, сондықтан дозаны түзету немесе препаратты қабылдау арасында ғы интервал ұзақтығын өзгерту талап етілмейді. Егде жастағыларда кейбір дәрілік заттарға сезімталдық өзгеретін болғандықтан, леводропропизинді егде жастағыларда қолданғанда ерекше сақтық шараларын сақтау керек.

Препаратты 2 жасқа толмаған балаларда қолдану тиімділігі жеткілікті зерттелмеген, сондықтан препаратты осындай пациенттерде сақтықпен қолдану керек.

Бүйректің ауыр жеткіліксіздігі бар (креатинин клиренсі 35 мл/мин) пациенттерге препаратты сақтықпен тағайындау керек.

Сондай-ақ ерекше сезімтал пациенттерге препаратты седативті дәрілермен бір мезгілде абайлап қолдану ұсынылады.

Жөтелге қарсы дәрілер симптоматикалық болып табылады және жөтелдің туындау себебін диагностикалау кезінде және/немесе аурудың негізгі себебін емдеу нәтижесін күтуде қолданылуы керек. Тағамның препараттың сіңуіне әсері жөнінде ақпарат жоқ, сондықтан препаратты астан бөлек қабылдау ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат кейде ұйқышылдық және бас айналуын туындататын болғандықтан көлік құралын басқаратын және жоғары псхомоторлық реакция жылдамдығын талап ететін қауіптілігі зор қызмет түрлерімен айналысатын пациенттерге сақтықпен қолданған жөн.

Артық дозалануы

Симптомдары: транзиторлы тахикардия болуы, сондай-ақ басқа да жағымсыз әсерлерінің күшеюі мүмкін.

Емі: асқазанды шаю, белсенділендірілген көмір ішу, парентеральды түрде плазма алмастыратын ерітінділер енгізу, симптоматикалық ем.

Шығарылу түрі мен қаптамасы

120 мл препарат алғаш ашылуы бақыланатын, бұралатын қақпағы бар полиэтилентерефталаттан (ПЭТ) жасалған құтыға салынады. Құтыға өздігінен желімденетін заттаңба жапсырылған.

Өлшеуіш қақпағымен және медициналық қолдану жөніндегі мемлекеттік және орыс тілдеріндегі нұсқаулықпен бірге 1 құты картон қорапшаға салынады.

Сақтау шарттары

Жарықтан қорғалған жерде, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Тіркеу куәлігінің иесі

Macleods Pharmaceuticals Limited, Үндістан

304, Atlanta Arcade, Marol Church Road, Andheri (East), Mumbai – 400 059

Қазақстан Республикасы аумағында тұтынушылардан дәрілік заттың сапасына қатысты шағымдар (ұсынымдар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта) :

Macleods Pharmaceuticals Limited (Маклеодс Фармасьютиклс Лимитед) ЖШК филиалы, Қазақстан Республикасы, 050004 Алматы қ-сы, Төлебаев к-сі 38/61 5-қабат

Тел./факс: +7 (727) 2734593, 8 7012420565

E-mail: reports@macleodspharma.kz

Дәріханалар

Тауар артығымен бар
Тауар аз қалды
Аптека №288
ул.Кунаева 13А
Круглосуточно