Метеоспазмил № 20 капс

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Метеоспазмил^®

Халықаралық патенттелмеген атауы

Жоқ

Дәрілік түрі, дозалануы

Капсулалар

Фармакотерапиялық тобы

Ас қорыту жолы және зат алмасу. Асқазан-ішек қызметінің бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған басқа препараттар. Басқа препараттармен біріктірілген альверин.

АТХ коды A03AX58

Қолданылуы

- ішек қызметінің бұзылыстарын симптоматикалық емдеу, әсіресе кебуі кезінде (іштің түйілуі және ауыруы, метеоризм).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препараттың белсенді және қосымша заттарына жоғары сезімталдық

- 18 жасқа дейінгі балалар мен жасөспірімдерге

- жүктілікте және лактация кезеңінде

Қолдану кезіндегі қажетті сақтық шаралары

Қатысты емес

Басқа дәрілік препараттармен өзара әрекеттесуі

Бүгінгі күні қолда бар деректер клиникалық маңызды өзара әрекеттесудің бар екендігін көрсетпейді.

Арнайы ескертулер

Бауыр функциясы

Альверин/симетиконмен ем алған пациенттерде АЛТ (аланинаминотрансфераза) және АСТ (аспартатаминотрансфераза) концентрацияларының қалыптың жоғарғы шегінен (ҚЖШ) екі есеге артық жоғарылауы байқалды. Мүмкін, бұл сарысуда жалпы билирубиннің деңгейімен бірге жоғарылауына байланысты. Бауырдың аминотрансферазаларының концентрациясы ҚЖШ үш есе артық жоғарылаған жағдайда, әсіресе сарғаю кезінде, альверинмен/симетиконмен емдеуді тоқтату керек.

Жүктілік немесе лактация кезеңі

Симетикон: Жүктілік кезеңінде симетиконды қабылдау кезінде болмашы жүйелік әсер етуіне байланысты жағымсыз әсер күтілмейді.

Альверин: Жануарлардың тератогендігі туралы толық деректер жоқ. Клиникалық тәжірибеден осы уақытқа дейін препараттың қандайда бір арнайы туа біткен немесе құрсақішілік уытты әсері туралы хабарланған жоқ.

Алайда, альверин қабылдайтын жүкті әйелдерді бақылау кез келген қауіпті болдырмау үшін жеткіліксіз шара болып табылады.

Демек, сақтық шарасы ретінде жүктілік кезінде ең дұрысы Метеоспазмил препаратын қабылдамаған жөн.

Бала емізу кезінде болмашы жүйелік әсер етуіне байланысты симетиконның жағымсыз әсері күтілмейді.

Альвериннің ана сүтіне экскрециясы туралы деректер жоқ.

Осыған байланысты бала емізу кезінде Метеоспазмил препаратын қабылдауға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Метеоспазмил елеусіз әсер етеді. Кейбір пациенттерде бас айналу сияқты қолайсыз реакциялар байқалды. Мұндай бұзылыстар түрлері көлік құралдарын немесе қауіптілігі зор механизмдерді басқару қабілетіне әсер етуі мүмкін.

Қолдану жөніндегі нұсқаулар

Дозалау режимі

Тек ересектер үшін. Ас ішер алдында немесе ауыру кезінде бір капсуладан тәулігіне 2-3 рет.

Енгізу жолы және тәсілі

Ішке қабылдауға арналған, аз мөлшердегі сумен ішу керек, пероральді.

Емдеу ұзақтығы

Емдеу ұзақтығы симптомдардың айқын көрінуіне байланысты.

Артық дозалану жағдайында қабылдануы қажеті шаралар

Препаратты ұсынылған дозадан артық қабылдау кезінде бас айналу жағдайлары туралы хабарланды.

Физиологиялық және химиялық инерттілігі салдарынан симетикон организмде сіңбейді және асқазан-ішек жолдары арқылы өзгермеген түрінде шығарылады, сондықтан уыттану жоқ.

Альверин-медициналық мониторингке негізделген симптоматикалық емдеу ұсынылады.

Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар

Дәрілік препаратты қолданар алдында дәрігерге немесе фармацевтке жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Жағымсыз реакциялар (ЖР) жиілігі бойынша мынадай жіктеу пайдаланылған: өте жиі ≥1/10; жиі ≥1/100-нан ˂1/10 дейін; жиі емес ≥1/1000-нан ˂1/100 дейін; сирек ≥1/10000-нан ˂1/1000 дейін; өте сирек (˂1/10,000) және жиілігі белгісіз (қолда бар деректер негізінде бағалау мүмкін емес).

Өте сирек

• цитоликалық гепатит
• анафилаксиялық типті реакциялар және анафилаксиялық шок.
• трансаминазалар, сілтілік фосфатазалар және билирубин деңгейінің артуы.
• Квинке ісінуі, тері бөртпесі, есекжем және қышыну.
• бас айналу.
• бас ауыруы.
• жүректің айнуы

Жиілігі белгісіз

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсула құрамында

белсенді заттар: альверин цитраты 60 мг,

симетикон 300 мг,

қосымша заттар: соялецитині, орташа тізбекті триглицеридтер,

қабықтың құрамы: желатин, глицерин, титанның қостотығы Е171, тазартылған су.

Сыртқы түрінің, иісінің, дәмінің сипаттамасы

Ұзынша пішінді, жылтыр-күңгірт ақ түсті жұмсақ желатиндікапсулалар, өлшемі № 6.

Капсуланың ішіндегісі - ақшыл түсті қою cуcпензия.

Шығарылу түрі және қаптамасы

10 капсуладан поливинилхлоридті үлбірден және алюминий фольгадан жасалған пішінді ұяшықты қаптамада, 2 немесе 3 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

Лаборатории ГАЛЕНИК ВЕРНЕН,

20, рю Луи-Шарль Вернен, 77190 Даммари-ле-Лис, Франция

тел.: + 33 (0) 1 64 87 61 00

факс: + 33 (0) 1 64 37 46 14

www.lgvfrance.com

Тіркеу куәлігінің ұстаушысы

Лаборатории МАЙОЛИ СПИНДЛЕР,

6, авеню де Л’Европ, 78400 Шату, Франция

тел.: +33 (0) 1 34 80 55 55

факс: + 33 (0) 1 34 80 62 64

www.mayoly-spindler.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Майоли Қазақстан» ЖШС

050026, Алматы қаласы, Қазақстан Республикасы

Байзақов к-сі, 125/185, т. е. 1

тел.: +7 (727) 331 49 45,

факс: +7 (727) 331 49 44

E-mail: office@mayoly.kz

Қалалар