Тауарлардың көрінісі фотосуретте көрсетілгеннен өзгеше болуы мүмкін

Лавомакс 125 мг № 6 табл

3734
Қолжетімділігі
Сатылымда бар
Үлгі
4601026302619
Елі
Россия
Өндіруші
Нижфарм ОАО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Лавомакс®

Саудалық атауы

Лавомакс®

Халықаралық патенттелмеген атауы

Тилорон

Дәрілік түрі

Қабықпен қапталған таблеткалар, 125 мг

Құрамы

Бір таблетканың құрамында

белсенді зат – тилорон дигидрохлориді – 125 мг,

қосымша заттар:

ядросы: магний гидроксикарбонаты (ауыр магний карбонаты), повидон К30, кальций стеараты,

қабығы: сахароза, повидон К17, коповидон, магний гидроксикарбонаты (жеңіл магний карбонаты), титанның қостотығы (Е 171), коллоидты кремнийдің қостотығы (аэросил А-380), хинолинді сары бояғыш (Е 104), күн батар түстес сары бояғыш (Е 110), макрогол-6000, ара балауызы, сұйық парафин, тальк.

Сипаттамасы

Дөңгелек пішінді, сарыдан қызыл-сары түске дейінгі, қабықпен қапталған таблеткалар. Таблетканың ядросы қызыл-сары түсті.

Фармакотерапиялық тобы

Жүйелі қолдануға арналған микробқа қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар

АТХ коды J05AX

Фармакологиялық қасиеттері

Фармакокинетикасы

Ішке қабылдағаннан кейін тилорон асқазан-ішек жолынан жылдам сіңеді. Биожетімділігі 60 %-ды құрайды. Тилоронның шамамен 80 %-ы қан плазмасы ақуыздарымен байланысады.

Тилорон іс жүзінде өзгермеген түрде ішек арқылы (70 %) және бүйрек арқылы (9 %) шығарылады. Жартылай шығарылу кезеңі (Т1/2) 48 сағатты құрайды. Тилорон биологиялық өзгеріске ұшырамайды және организмде жинақталмайды.

Фармакодинамикасы

Организмде интерферондар барлық типтері (альфа, бета, гамма және лямбда) түзілуін көтермелейтін интерферонның төмен молекулалық синтетикалық индукторы. Тилоронды енгізгенге жауап ретінде интерферонның негізгі продуценттері ішектің эпителий жасушалары, гепатоциттер, Т-лимфоциттер, нейтрофилдер және гранулоциттер болып табылады. Ішке қабылдағаннан кейін интерферон өнімінің ең көбі келесі ретімен ішек - бауыр - қанда 4-24 сағаттан соң анықталады. Тилоронның иммуномодуляциялайтын және вирустарға қарсы әсері бар.

Тилоронды адамға арналған ең жоғары тәуліктік дозаға баламалы дозада бір реттік пероральді енгізгеннен кейін өкпе тінінде интерферон лямбда ең жоғары концентрациясы 24 сағаттан кейін, интерферон альфада - 48 сағаттан кейін анықталады. Өкпе тінінде интерферон лямбда индукциясы тұмаулық және басқа респираторлық вирустық инфекциялары кезінде респираторлық жолдың вирусқа қарсы қорғанысының жоғарылауына ықпал етеді.

Адам лейкоциттерінде интерферон синтезін индукциялайды. Сүйек кемігі діңгектік жасушаларын көтермелейді, антиденелер түзілуін дозаға байланысты күшейтеді, иммунодепрессия дәрежесін азайтады, Т- супрессорлар және Т-хелперлер арақатынасын қалпына келтіреді. Әр түрлі вирусты инфекцияларға, сонымен бірге тұмау вирустарына, басқа жедел респираторлық инфекцияларға, гепатит вирустарына және герпесвирустарға қарсы тиiмдi. Вирустарға қарсы әсер ету механизмі инфекция жұқтырған жасушаларда вирустық-спецификалық ақуыздардың тасымалдануын тежеуге байланысты, нәтижесінде вирустардың репродукциясы бәсеңдейді.

Қолданылуы

Кешенді ем құрамында:

  • тұмау және басқа жедел респираторлық вирустық инфекцияларды (ЖРВИ) емдеу
  • герпестік инфекцияны емдеу

Тұмау және ЖРВИ профилактикасы.

Қолдану тәсілі және дозалары

Ересектерге, ішке, тамақтан кейін.

Тұмау және басқа ЖРВИ емдеу – тәулігіне 125 мг емдеудің алғашқы 2 күнінде, содан соң 48 сағаттан кейін 125 мг.Курсқа – 750 мг (6 таблетка).

Тұмау және басқа ЖРВИ емдеу профилактикасы – 125 мг аптасына 1 рет 6 апта бойы. Курсқа – 750 мг (6 таблетка).

Герпестік инфекцияны емдеу – 125 мг алғашқы екі тәулік, содан соң 48 сағаттан кейін 125 мг.Курстық доза – 1,25-2,5 г (10-20 таблетка).

Тұмау және басқа ЖРВИ емдегенде ауру симптомдары 4 күннен астам сақталған кезде дәрігермен кеңесу керек.

Жағымсыз әсерлері

  • аллергиялық реакциялар
  • диспепсиялық құбылыстар
  • қысқа мерзімді қалтырау

Егер нұсқаулықта көрсетілген кез келген жағымсыз әсерлері ушығып кетсе, немесе Сіз нұсқаулықта көрсетілмеген кез келген басқа жағымсыз әсерлерін байқасаңыз, ол жайында дәрігерге хабарлаңыз.

Қолдануға болмайтын жағдайлар

  • препарат компоненттеріне аса жоғары сезімталдық
  • жүктілік және лактация кезеңі
  • 18 жасқа дейінгі балалар
  • сахараза/изомальтаза тапшылығы, фруктозаны көтере алмаушылық, глюкоза-галактоза мальабсорбциясы (препарат құрамында сахароза бар)

Дәрілермен өзара әрекеттесуі

Лавомакс® антибиотиктермен, вирустық және бактериялық ауруларды дәстүрлі емдейтін дәрілерімен үйлесімді.

Лавомакс® препаратының антибиотиктермен, вирустық және бактериялық ауруларды дәстүрлі емдейтін дәрілермен, алкогольмен клиникалық маңызды өзара әрекеттесуі анықталмаған.

Айрықша нұсқаулар

Дәрілік заттың автомобиль немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе қауіптілігі зор механизмдерді басқару қабілетіне әсер етпейді.

Артық дозалануы

Лавомакстың® артық дозалану жағдайлары белгісіз.

Шығарылу түрі және қаптамасы

3, 6 немесе 10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші / Қаптаушы

«Нижфарм» АҚ, Ресей Федерациясы

603950, Нижний Новгород қ.,

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Тіркеу куәлігінің иесі

«Нижфарм» АҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Нижфарм» АҚ ҚР Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e-mail: almaty@stada.kz

Дәріханалар

Тауар артығымен бар
Тауар аз қалды
Аптека №288
ул.Кунаева 13А
Круглосуточно