Біздің компаниямыз жайлы жалпы ақпарат.
Дәрілік затты медициналық
қолдану жөніндегі нұсқаулық
ЛАКОМА-Т
Саудалық атауы
Лакома-Т
Халықаралық патенттелмеген атауы
Жоқ
Дәрілік түрі
Көзге тамызатын дәрі
Құрамы
1 мл ерітіндінің құрамында
белсенді заттар: латанопрост – 0,05 мг, тимолол малеаты – 6,834 мг,
5,000 мг тимололға баламалы,
қосымша заттар: калий дигидрофосфаты, сусыз натрий гидрофосфаты, бензалконий хлориді, натрий хлориді, полиоксил 40 гидрогенделген майсана майы, инъекцияға арналған су.
Сипаттамасы
Таза, бөгде бөлшектер жоқ мөлдір және түссіз сұйықтық.
Фармакотерапиялық тобы
Сезім мүшелерінің ауруларын емдеуге арналған препараттар. Көз ауруларын емдеуге арналған препараттар. Глаукомаға қарсы препараттар және миотиктер. Бета адреноблокаторлар. Басқа препараттармен біріктірілген тимолол.
АТХ коды S01ЕD51
Фармакологиялық қасиеттері
Фармакокинетикасы
Латанопрост пен тимолол малеаты арасындағы фармакокинетикалық өзара әрекеттесулер анықталмаған, біріктірілген препаратты қолданудан кейін 1-4 сағаттан соң сулы ылғалда латанопрост қышқылы концентрациясы монотерапия кезіндегіден шамамен екі есе жоғары болды.
Латанопрост
Латанопрост ізашар дәрі бола отырып, мөлдір қабық арқылы жақсы өтеді, оның гидролизденуі пайда болғанда биологиялық белсенді қышқылға өзгереді. Сулы ылғалдағы концентрациясына жергілікті қолданудан кейін шамамен екі сағаттан соң жоғары шекке жетеді.
Таралу көлемі 0,16 ± 0,02 л/кг құрайды. Латанопрост қышқылы сулы ылғалда алғашқы 4 сағат ішінде, ал қан плазмасында жергілікті қолданудан кейін алғашқы сағат ішінде анықталады.
Латанопрост эстеразалар әсерімен мөлдір қабықта гидролизге ұшырап, биологиялық белсенді қышқыл түзеді. Жүйелі қан ағымына түсетін латанопрост қышқылы, негізінен, бауырда май қышқылдарының бета-тотығуы арқылы метаболизденіп, 1,2-динор- және 1,2,3,4-тетранор-метаболиттерін түзеді.
Латанопрост қышқылы қан плазмасынан тез шығарылады (t1/2 =17 мин). Жүйелі клиренсі шамамен 7 мл/мин/кг құрайды. Метаболиттері, негізінен, бүйрекпен шығарылады: жергілікті қолданудан кейін енгізілген дозаның 88 % шамасы несеппен шығарылады. Қышқыл түріндегі латанопрост биожетімділігі 45 % құрайды.
Тимолол малеаты
Сулы ылғалда тимолол ең жоғары концентрациясына көзге тамызатын дәріні жергілікті қолданудан кейін шамамен 1 сағаттан соң жетеді. Доза бөлігі жүйелі сіңеді және қан плазмасында 1 нг/мл құрайтын ең жоғары концентрациясына күніне бір рет (300 мкг/күн) әр көзге бір тамшыдан жергілікті енгізуден кейін 10-20 минут өткенде жетеді. Плазмада тимололдың жартылай шығарылу кезеңі 6 сағатқа жуық құрайды. Тимолол бауырда белсенді метаболизденеді. Метаболиттері өзгеріссіз күйде тимололдың аздаған мөлшерімен несеппен шығарылады.
Фармакодинамикасы
Препарат құрамына екі белсенді компонент – латанопрост және тимолол малеаты кіреді. Жоғары көз ішіндегі қысымды (КІҚ) төмендету механизмі әртүрлі, бұл осыкомпоненттердің әрқайсысысын қолдану әсерімен салыстырғанда, КІҚ қосымша төмендеуін қамтамасыз етеді.
Латанопрост - простагландин F2α аналогы - простаноид FP рецепторларының іріктелген агонисі болып табылады және сулы ылғалдан көп ағып шығу есебінен КІҚ төмендетеді. Әсер ету механизмі, ең алдымен, көз ішіндегі сұйықтықтың увеосклералық көп ағып шығуы арқылы жүзеге асады. Латанопрост сулы ылғал өндірілуіне және гематоофтальмологиялық бөгет өткізгіштігіне немесе көз ішіндегі қысымға елеулі ықпалын тигізбейді. Қысқа мерзімді емдеу кезінде, латанопрост адамдағы жалған факия кезінде флюоресцинді көздің артқы сегментіне өткізбейді.
Емдік дозаларда қолданылғанда латанопрост жүрек-қантамыр және тыныс алу жүйелеріне елеулі фармакологиялық әсерін көрсетеді.
Тимолол – елеулі ішкі симпатомиметикалық белсенділігі жоқ, миокардқа тікелей депрессиялық ықпалын және жергілікті жансыздандыратын (жарғақша тұрақтандыратын) әсерін көрсетпейтін іріктелмеген бета-1- және бета-2-адреноблокатор.
Бета-адренорецепторлар бөгелісі дені сау адамдарда және жүрек ауруларымен науқастарда жүрек лықсуының төмендеуін туындатады. Миокард функциясының бұзылуы ауыр науқастарда бета-адреноблокаторлар жүректің талапқа сай жұмыс істеуіне қажетті симпатикалық жүйке жүйесін көтермелеу әсерін тежеуі мүмкін.
Бронхтардағы және бронхиолалардағы бета-адренорецепторлар бөгелісі парасимпатикалық жүйке жүйесінің ықпал етуімен тыныс алу жолдары кедергісінің артуына алып келеді. Осындай әсері демікпемен және басқа бронх түйілу ауруларымен науқастар үшін қауіпті болуы мүмкін.
Көзге тамызатын дәрі түрінде тимолол малеатын қолдану, глаукоманың болуына немесе болмауына қарамастан, жоғары және қалыпты КІҚ төмендеуін туындатады. Жоғары КІҚ көру өрісінің глаукоматозды айналып кетуінің негізгі қауіп факторы болып табылады. КІҚ қанша жоғары болса, көру өрісінің глаукоматозды айналып кету және көру жүйкесінің зақымдану ықтималдығы сонша жоғары.
Тимолол малеатының әсер етуімен КІҚ төмендетудің нақты механизмі анықталмаған. Тонография және флюрофотометрия нәтижелері негізгі әсер ету механизмінің сулы ылғал түзілуінің азайтумен байланысты болуы мүмкін екенін айғақтайды. Алайда, кейбір зерттеулерде ағып шығудың аздап артуы да білінеді.
Латанопрост пен тимолол малеаты біріктірілімінің әсері бір сағат ішінде басталады, ал ең жоғары әсері 6-8 сағат ішінде байқалады.
Қолданылуы
- жергілікті қолдануға арналған КІҚ төмендететін басқа дәрілер тиімділігі жеткіліксіз болғанда ашық бұрышты глаукомасы немесе жоғары офтальмотонусы бар пациенттерде көз ішіндегі қысым (КІҚ) көтерілуін төмендетуде.
Қолдану тәсілі және дозалары
Ересектерге күніне 1 рет зақымданған көзге бір тамшыдан.
Егер емдеу курсы ішінде бір дозасын өткізіп алғанда, келесі дозаны әдеттегі уақытта енгізу керек. Тәуліктік дозаны зақымданған көзге күніне бір тамшыдан асыруға болмайды.
Тамшыларды тамызар алдында жанаспалы линзаларды шешіп қойып, артынан 15 минут өткен соң тағу керек.
Егер пациент көзге тамызатын басқа дәрілерді бір мезгілде пайдаланса, оларды кемінде 5 минут аралықпен қолдану керек.
Тамызудан кейін 2 минут ішінде қабақтарды жапқанда жүйелі сіңірілуді төмендетуге көмектеседі. Осындай тәсіл жүйелі жағымсыз әсерлердің даму ықтималдығын азайтады.
Емдеу курсы дәрігердің тағайындауы бойынша.
Жағымсыз әсерлері
Жағымсызәсерлері жиілігіне қарай келесі үлгіде жіктеледі: өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10,000, <1/1000) және өтесирек (<1/10,000).
Жүйке жүйесінің бұзылыстары:
Жиі емес: бас ауыру
Көру бұзылыстары:
Өте жиі: мөлдір қабық пигментациясының жоғарылауы.
Жиі: көздің тітіркенуі (шаншу, ашыту және қышынуын қоса), көздің ауыруы
Жиі емес: көздің қызаруы, конъюнктивит, көрудің бұлыңғырлануы, көз жасының көп бөлінуі, блефарит, мөлдір қабық бұзылулары
Терінің және тері асты тіндерінің бұзылулары
Жиі емес: тері бөртпесі, қышыну
Препараттың жекелеген компоненттерін пайдалануға тән болатын қосымша жағымсыз әсерлер хабарланды:
Латанопрост үшін:
- инфекциялар мен жаңа түзілімдер
- герпестік кератит
- жүйке жүйесінің бұзылыстары
- бас айналу
- көз бұзылыстары
- кірпік және балапан шаштар өзгерістері (ұзындығының, қалыңдығының, пигментациялануы мен көлемінің артуы)
- эпителийдің нүктелі эрозиясы, көз ұясы маңының ісінуі, ирит/увеит, макулярлы ісіну (көз бұршағының артқы капсулалары жарылған афакиялық, жалған факиялық пациенттерде немесе макулярлы ісінудің белгілі қауіп факторлары бар пациенттерде)
- көздің құрғауы, кератит, мөлдір қабық ісінуі және эрозиясы, кейде көздің тітіркенуіне әкелетін кірпіктердің дұрыс өспеуі
- көздің нұрлы қабық кистасы, көздің қарығуы
- орбита айналасындағы өзгерістер және қабақ сіңірлерінің тереңдеуіне әкелетін қабақ өзгерістері
Жүрек-қантамыр жүйесі тарапынан бұзылулар:
- ауруы бұрыннан бар пациенттерде стенокардия асқынуы, жүректің жиі соғуы
Тыныс алу ағзалары, кеуде қуысы және көкірек ортасы тарапынан бұзылулар:
- демікпе, демікпенің өршуі, ентігу
- терінің және тері асты тіндерінің бұзылулары
- қабақ терісінің күңгірттенуі
- қозғалыс аппаратының және дәнекер тіннің бұзылулары
- буындардың ауыруы, бұлшықеттің ауыруы
Жалпы бұзылыстар және қолданған жердегі бұзылулар:
Тимолол үшін бұл:
- иммундық жүйенің бұзылуы
- жүйелі аллергиялық реакциялар, соның ішінде ангиодистрофия, есекжем, шоғырланған және жайылған бөртпе, қышыну, анафилаксиялық реакция
Зат алмасу және тамақтану бұзылыстары:
- гипогликемия
- психиатриялық бұзылыстар
- ұйқысыздық, депрессия, қорқынышты түстер, естен тану
Жүйке жүйесі тарапынан бұзылулар:
- естен тану, инсульт, церебральді ишемия, миастения белгілері мен симптомдарының көбеюі, бас айналу, парестезия және бас ауыру
Көру мүшелері тарапынан бұзылулар:
- көздің тітіркену белгілері мен симптомдары (мысалы, ашыту, шаншу, қышыну, көз жасының ағуы және қызару)
- блефарит, кератит, көрудің бұлыңғырлануы және сүзгілеу операциясынан кейінгі хориоидальді ажырау
- мөлдір қабық сезімталдығының төмендеуі, көздің құрғауы, мөлдір қабық эрозиясы кезіндегі птоз
- диплопия
Есту мүшелері тарапынан бұзылулар:
- құлақтың шыңылдауы
Жүрек-қантамыр жүйесі тарапынан бұзылулар:
- брадикардия, кеуденің ауыруы, жүректің жиі соғуы, ісіну, аритмия, созылмалы жүрек жеткіліксіздігі, атриовентрикулярлы блокада, жүректің тоқтап қалуы, жүрек жеткіліксіздігі
- гипотония, Рейно феномені, қол мен аяқтың мұздауы
Тыныс алу ағзалары, кеуде қуысы және көкірек ортасы тарапынан бұзылулар:
- бронх түйілуі (көбінесе бронх түйілу ауруы бұрыннан бар пациенттерде), ентігу, жөтел
АІЖ тарапынан бұзылулар:
- дәм сезудің бұрмалануы, жүрек айну, диспепсия, диарея, ауыздың құрғауы, іштің ауыруы, құсу
Тері жабындары тарапынан бұзылулар:
- алопеция, псориазды бөртпе немесе псориаздың өршуі, тері бөртпесі
Тірек-қимыл аппараты және дәнекер тін тарапынан бұзылулар:
- миалгия
Ұрпақ өрбіту жүйесі және сүт безі бұзылыстары:
- сексуалды дисфункция, либидо төмендеуі
Жалпы бұзылыстар және қолданған жердегі бұзылулар:
- астения/шаршау
Мөлдір қабықтың елеулі зақымдануы бар кейбір пациенттердің құрамында фосфат бар көзге тамызатын дәрілер пайдалануына байланысты болған мөлдір қабықтың кальцификациялану жағдайлары жөнінде өте сирек хабарланды.
Қолдануға болмайтын жағдайлар
- латанопростқа, тимолол малеатына немесе басқада препараттыңкомпоненттеріне жоғары сезімталдық
- әуe аурулары, бронх демікпесі, анамнездегі бронх демікпесін қосқанда, өкпенің ауыр ағымдағы созылмалы обструкциялық ауруы
- гипотония, синустық брадикардия, синустық түйіннің әлсіздік синдромы, синоаурикулярлы бөгеліс, қызмет етіп тұрған электрокардиостимулятордың болмауынан II-III дәрежедегі атриовентрикулярлы бөгеліс, жүрек жеткіліксіздігі, кардиогенді шок
- жүктілік және лактация кезеңі
- балаларға және 18 жасқа дейінгі жасөспірімдерге
Сақтықпен
Қабыну, неоваскулярлы, жабық бұрышты немесе туа біткен глаукома, жалған факиямен біріккен ашық бұрышты глаукома, пигментті глаукома (препаратты қолданудың жеткілікті тәжірибесінің болмауына орай); афакия, көз бұршағының артқы капсуласының жарылуымен болатын жалған афакия, макулярлы ісінудің белгілі қауіп факторлары бар пациенттер (латанопростпен емделгенде макулярлы, соның ішіндецистоидты ісіну жағдайлары сипатталған).
Дәрілермен өзара әрекеттесуі
Басқада препараттармен препараттың өзара әрекеттесуі арнайы зерттелмеген.
Лакома Т препаратын бета-адреноблокаторларды ішке қабылдайтын пациенттерге қолданғанда КІҚ айқынырақ төмендеуі немесе бета-адреноблокаторлардың жүйелі көріністерінің күшеюі мүмкін, сондықтан екі және одан көп бета-адреноблокаторларды бір мезгілде жергілікті қолдану ұсынылмайды.
Простагландиндердің екі аналогын бір мезгілде көзге тамызғанда КІҚ парадоксты көтерілуі cипатталған, сондықтан екі және одан көп простагландиндерді, олардың аналогтарын немесе туындыларын бір мезгілде қолдану ұсынылмайды. Тимолол малеатын адреналинмен (эпинефринмен) бір мезгілде қолданғанда кейде мидриаз дамыған.
Тимолол малеатын төменде тізбеленген препараттармен біріктіргенде жүйелі гипотензияның және/немесе айқын брадикардияның дамуымен аддитивті әсері болуы мүмкін:
Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін.
CYP2D6 цитохромы тежегіштерімен (хинидин, флуоксетин, пароксетинді қоса) және томололмен біріктірілген ем кезінде бета-адренергиялық рецепторлардың жүйелі бөгелісінің күшеюі (жүректің жиырылу жиілігінің төмендеуі, депрессиялар) хабарланған.
Бета-адреноблокаторлар қабылдау кезінде клонидинді күрт тоқтатуға болатын гипертензиялық реакция күшеюі мүмкін.
Айрықша нұсқаулар
Жүйелі әсерлері
Жергілікті қолданылатын басқа офтальмологиялық дәрілер сияқты, Лакома-Т жүйелі сіңіріледі. Бета-адренергиялық компонентіне орай, тимолол жүйелі бета-адренергиялық бөгегіш агенттерді пайдалану кезінде байқалатын жүрек-қантамыр, өкпе және басқа жағымсыз реакциялардың дәл сондай типтерін туындатуы мүмкін. Жүйелі сіңірілуді азайту үшін жергілікті офтальмологиялық енгізуден кейінгі жүйелі жағымсыз реакциялардың туындау жиілігі жүйелі енгізу кезіндегіден төмен.
Жүрек бұзылулары
Жүрек-қантамыр аурулары (мысалы, ишемиялық жүрек ауруы, Принцметал стенокардиясы және жүрек жеткіліксіздігі) және гипертониясы бар пациенттерде бета-блокаторлармен емдеуді қатер шекті деп бағалаған дұрыс, сондай-ақ басқа белсенді заттармен ем ескерілу керек. Жүрек-қантамыр аурулары бар пациенттер осы аурулардың нашарлау белгілерін және жағымсыз реакцияларды қадағалауы тиіс.
Өткізгіштік уақытына теріс әсер етуіне орай, бета-блокаторларды бірінші дәрежедегі жүрек бөгеті бар пациенттерге абайлап беру керек.
Тимолол енгізуден кейін жүрек реакциялары туралы, ал сирек жағдайларда жүрек ұстамаларымен байланысты өлім туралы хабарланды.
Тамыр бұзылыстары
Қан айналымының ауыр шеткері бұзылулары / бұзылыстары (яғни, Рейно ауруының ауыр түрлері немесе Рейно синдромы) бар пациенттерге препаратты сақтықпен қолдану керек.
Тыныс алу жүйесінің бұзылыстары
Кейбір офтальмологиялық бета-блокаторлар енгізуден кейін демікпесі бар пациенттерде респираторлық реакциялар туралы, соның ішінде бронх түйілуі салдарынан болатын өлім жөнінде хабарланды. Препаратты жеңіл немесе орташа созылмалы обструкциялық өкпе ауруы (СОӨА) бар пациенттерге абайлап және егер ықтималды пайдасы зор қаупінен артық болатын жағдайда ғана пайдалану керек.
Гипогликемия / диабет
Бета-блокаторларды өздігінен болатын гипогликемиядан зардап шегетін пациенттерге немесе диабеті тұрақсыз пациенттерге сақтықпен қолдану керек, өйткені бета-блокаторлар жедел гипогликемияның белгілері мен симптомдарын бүркемелеуі мүмкін.
Бета-блокаторлар гипертиреоз белгілерін де бүркемелеуі мүмкін.
Мөлдір қабық аурулары
Офтальмологиялық бета-блокаторлар көздің құрғауын туғызуы мүмкін. Мөлдір қабық аурулары бар пациенттерді абайлап емдеу керек.
Басқа бета-бөгегіш агенттер
Тимолол жүйелі бета-бөгегіш агент алып жүрген пациенттерге тағайындалғанда көзішілік қысымға ықпал етуі немесе жүйелі бета-бөгеліс әсерлері күшеюі мүмкін. Осы пациенттердің реакциясын мұқият қадағалау керек. Екі жергілікті бета-адренергиялық бөгегіш агентті пайдалануға кеңес берілмейді.
Анафилаксиялық реакциялар
Бета-блокаторлар қабылдай отырып, атопия немесе көптеген аллергендерге ауыр анафилаксиялық реакция тарихы бар пациенттер осындай аллергендердің қайтаәсер ету реакциясына бейімдеу болып, анафилаксиялық реакцияларды емдеуге пайдаланылатын адреналиннің әдеттегі дозаларына реакциясы болмауы мүмкін.
Хориоидальді ажырау
Сүзгілеу емшарасынан кейін сулы супрессиялық емнің (мысалы, тимолол, ацетазоламид) қолданылуымен хориоидальді ажырау жөнінде хабарланды.
Хирургиялық анестезия
Бета-бөгегіш офтальмологиялық препараттар, мысалы, адреналиннің жүйелі бета-агонистік әсерлерін бөгеуі мүмкін. Пациент тимолол қабылдайтын болса, анестезиологты хабарландыру керек.
Қатар жүргізілетін ем
Тимолол басқа препараттармен өзара әрекеттесуі мүмкін. Екі жергілікті бета-блокаторды немесе екі жергілікті простагландинді пайдалану ұсынылмайды.
Көз әсерлері
Латанопрост нұрлы қабықтағы қоңыр пигмент мөлшерін ұлғайтып, көздің түсін біртіндеп өзгертуі мүмкін. Латанопрост көзге тамызатын дәрісімен жасалған тәжірибедегі сияқты, нұрлы қабықтың ұлғайып кеткен пигментациясы Лакома-Т қабылдаған барлық пациенттің 16-20%-да бір жылға дейінгі мерзіммен (сурет негізінде) ауыстырылды. Осындайәсер көбінесе нұрлы қабық түсі аралас, яғни жасыл-қоңырлау, сары-қоңырлау немесе көк / сұр-қоңырлау реңдес пациенттерде байқалады, бұл нұрлы қабықтың стромальді меланоциттерінде меланин мөлшерінің көбею себебінен болады. Әдетте, қарашық маңындағы қоңыр пигментация зақымданған көздердің шеткері аумағына бағыттала шоғырлана таралады, бірақ бүкіл нұрлы қабық немесе оның бөліктері қоңырлау болып кетуі мүмкін. Біркелкі көк, сұр, жасыл немесе қой көзді пациенттерде бұл өзгеріс латанопростпен жүргізілген клиникалық сынақтарда екі жыл емделу кезінде сирек байқалған.
Нұрлы қабық түсінің өзгеруі баяу жүреді және бірнеше айдан бастап бірнеше жылға дейін байқалмауы мүмкін, ал ол қандай да бір симптоммен немесе патологиялық өзгерістермен байланысты болмаған.
Емдеуді тоқтатқан соң нұрлы қабықтағы қоңыр пигменттің әріқарай ұлғаюы байқалмаған, бірақ түстің нәтижеленген өзгерісі тұрақты болуы мүмкін. Емдеу нұрлы қабықтың қақ ортасына немесе жиектемесіне ықпал етпеген.
Пигменттің трабекулярлы торда немесе алдыңғы камераның қандай да бір жерінде жиналуы байқалмаған, бірақ пациенттер жүйелі тексеріліп отыруы тиіс, ал, клиникалық жағдайға қарай, егер нұрлы қабық пигментациясының ұлғаюы жалғаса берсе, емдеуді тоқтатуға болады.
Емдеуді бастар алдында пациенттер көз түсінің өзгеруі мүмкіндігінен хабарланған болуы тиіс. Біржақты емделу тұрақты гетерохромияға әкелуі мүмкін.
Қабынулы, неоваскулярлы немесе созылмалы жабық бұрышты глаукомада, артифакиясы бар пациенттерде ашық бұрышты глаукомада және пигментті глаукомада латанопрост қолданудың құжат жүзінде расталған тәжірибесі жоқ. Латанопрост қарашыққа әсерін тигізбейді немесе аз ықпал етеді, бірақ жабық бұрышты глаукомамен жедел ұстамалар кезіндегі деректі тәжірибе жоқ. Сондықтан осындай жағдайларда, қолдану тәжірибесіне қатысты көбірек дерек жинақталғанша, Лакома-Т сақтықпен пайдалануға ұсынылады.
Латанопрост герпестік кератит тарихы бар пациенттерге сақтықпен пайдаланылу керек, ал белсенді қарапайым герпестік кератит жағдайларында және простагландин аналогтарымен спецификалық байланысты қайталамалы герпестік кератит тарихы бар пациенттерде оны қолданудан сақтану керек.
Латанопростпен емделу кезінде макулярлы ісіну, соның ішінде макуланың киста тәрізді ісінуі хабарланды. Бұл хабарламалар ең алдымен афакиялық пациенттерде, көз бұршағының артқы капсуласы жарылған жалған факиялы пациенттерде немесе макула ісінуін туындататын белгілі қауіп факторлары бар пациенттерде болды. Ондай пациенттерде Лакома-Т абайлап пайдаланылу керек.
Жанаспалы линзаларды пайдалану
Лакома-Т құрамында әдетте офтальмологиялық өнімдерде консервант ретінде пайдаланылатын бензалконий хлориді бар. Бензалконий хлоридінің пункциялық кератопатияны және / немесе уытты ойық жаралы кератопатияны туғызатыны, көзді тітіркендіруі және, белгілі болғандай, жұмсақ жанаспалы линзаларды түссіздендіруі хабарланады. Көзінің құрғауы бар пациенттерде немесе мөлдір қабық бұзылуға ұшыраған жағдайларда Лакома-Т жиі немесе ұзақ уақыт қолданылғанда мұқият бақылау талап етіледі. Жанаспалы линзалар бензалконий хлоридін сіңіріп алуы мүмкін, ал оларды Лакома-Т қолданар алдында шешіп қойып, 15 минуттан соң қайта тағуға рұқсат етіледі.
Балаларда қолдану
Балалардағы қауіпсіздігі мен тиімділігі анықталмаған.
Жүктілік және лактация кезеңі
Препаратты жүктілік кезінде және лактация кезеңінде қолдануға болмайды.
Дәрлік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көзге тамызытын дәріні қолдану көрудің өткінші тұмандануын туындатуы мүмкін. Бұл әсері басылғанша, пациенттерге автокөлік басқаруға немесе күрделі техниканы пайдалануға болмайды.
Артық дозалануы
Тимололдың жүйелі артық дозалану симптомдары: брадикардия, гипотония, бронх түйілуі және жүректің тоқтап қалуы. Егер ондай симптомдар туындаса, емдеу симптоматикалық және демеуші сипатта болуы тиіс. Зерттеулер тимололды диализбен шығарудың қиын екенін көрсетті.
Латанопростпен артық дозалану кезінде, көздің тітіркенуі мен конъюнктива гиперемиясынан тыс, ешқандай басқа көзге қатысты немесе жүйелі жағымсызәсерлер байқалмаған.
Егер латанопрост кездейсоқ ішке түсіп кетсе, келесі ақпарат пайдалы болуы мүмкін:
Емі: қажет болған жағдайда асқазанды шаю. Симптоматикалық ем. Латанопрост бауырда жүйе алдындағы метаболизмге кеңінен ұшырайды. Вена ішіне 3 мкг/кг инфузия ешқандай симптомдар туғызбаған, бірақ 5,5-10 мкг/кг дозасында жүрек айну, іштің ауруын, бас айналуын, шаршау, гиперемия мен тер бөлінісін туындатқан. Бұләсерлердің ауырлығы жеңіл және орташа дәрежеде болып, емдеуді тоқтатқан соң 4 сағат ішінде емделусіз басылды.
Шығарылу түрі мен қаптамасы
Бұралатын қалпақшасы бар пластик тамшылатқыш-құтыға 2,5 мл препараттан құйылады.
1 тамшылатқыш-құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
Жарықтан қорғалған жерде, 2°С-ден 8°С-ге дейінгі температурада тоңазытқышта сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл.
Ашылған құты пайдалану үшін 25°С-ге дейінгі бөлме температурасында 6 апта бойы сақталады.
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Қаптаушы/өндіруші ұйымның атауы және елі
Аджанта Фарма Лимитед
Аджанта Хаус, Чаркоп, Кандивли (З),
Мумбай 400 067, Үндістан
Тіркеу куәлігі ұстаушысының атауы және елі
Аджанта Фарма Лимитед, Үндістан
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы және мекенжайы
Қазақстан Республикасындағы Аджанта Фарма Лимитед филиалы,
Қазақстан Республикасы, 050009,
Алматы қ., Аносов к-сі, 54 / 28 (Төле би к-сі бұрышы)
Тел/факс: 8 (727) 374-79-50, 374-79-56;
E-mail: puneet.kapur@ajantapharma.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы
ConsultAsia ЖШС
Алматы қ., Шевченко к-сі, 165 Б, 307 кеңсе
тел.: +77778051116/+77051708825/+77051708876 (24 сағат қолжетімді)
факс: +727-379-42-58
e-mail: pv@consultingasia.kz
info@consultingasia.kz