Камфорное 10% 30 мл масло
Тауарлардың көрінісі фотосуретте көрсетілгеннен өзгеше болуы мүмкін

Камфорное 10% 30 мл масло

Қолжетімділігі
Тауар қолда жоқ
Үлгі
4810201000558
Елі
Беларусь
Өндіруші
Борисовский завод медицин
  • Сипаттама

Сипаттама

Саудалық атауы

Камфора майы

Халықаралық патенттелмеген атауы

жоқ

Дәрілік түрі, дозасы

Сыртқа қолдануға арналған майлы 100 мг/мл ерітінді.

Фармакотерапиялық тобы

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Буын және бұлшықет ауыруы кезінде жергілікті қолдануға арналған басқа препараттар

АТХ коды: МО2АХ

Қолданылуы

Кешенді ем кезінде:

- артриттерде, артралгияда

- миозитте, миалгияда

- радикулитте, ишиаста

- ойылулар дамуының профилактикасында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препаратқа жоғары сезімталдық

- тері аурулары

- тері жабындары бүтіндігінің бұзылуы

- эпилепсия, құрысу реакцияларына бейімділік

- 6 жасқа дейінгі балалар

Сақтықпен – балаларға, жүктілікте, лактация кезеңінде.

Басқа дәрілік препараттармен өзара әрекеттесуі

Анықталмаған.

Арнайы сақтандырулар

Педиатрияда қолдану.

Препаратты дәрігердің тағайындауы бойынша сақтықпен қолдануға болады.

Жүктілік және лактация кезеңі.

Препаратты дәрігердің тағайындауы бойынша сақтықпен қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Әсер етпейді.

Қолдану бойынша ұсынымдар

Дозалау режимі

Препаратты ысқылау түрінде сыртқа қолданады.

Майды күніне 1-2 рет ауырған жерлерге жұқа қабатпен және 2-3 минут бойы массаж қимылдарымен ысқылап жағады.

Емдеу курсы 7-10 күн.

Артық дозаланғанда қабылдануы қажет шаралар

Симптомдары: қозу, тахикардия, құрысулар.

Емі: симптоматикалық.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

- есекжем түріндегі аллергиялық реакция

- терінің тітіркенуі

- бас ауыруы, бас айналуы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде:

белсенді зат: рацемиялық камфора – 3 г;

қосымша зат: Тазартылған күнбағыс майы.

Сыртқы түрінің, иісінің, дәмінің сипаттамасы

Камфора иісі бар, сары түсті, мөлдір майлы сұйықтық.

Шығарылу түрі және қаптамасы

30 мл-ден тығыздайтын элементтері бар тығынмен тығындалған және тығынмен тығындалған немесе бұрандалы қақпағы бар шыны құтыларда.

Құтыларға өздігінен желімделетін заттаңбалар жапсырылады. Құтылар қазақ және орыс тілдеріндегі нұсқаулықтардың тиісті санымен бірге қорапшаға салынбай топтық қаптамаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 10 °С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек.

Дәріханалардан босатылу шарттары

рецептісіз

Өндіруші туралы мәліметтер

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375 (177) 734043.

Е-mail: market@borimed.com

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375 (177) 734043.

Е-mail: market@borimed.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

Қазақстан Республикасы, 050026. Алматы қ., Нұрмақов к-сі 26/195, 39 пәтер, «МедФарм» ЖК, тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru