Глицериновые 0,75 гр № 10 суппозит. ректал.

Сипаттама

Дәрілік затты медициналық қолдану жөніндегі нұсқаулық

Глицериндік суппозиторийлер

Саудалық атауы

Глицериндік суппозиторийлер, 0.75 г және 1.5 г

Халықаралық патенттелмеген атауы

Глицерол

Дәрілік түрі

Ректальді суппозиторийлер 0,75 г. және 1,5 г

Құрамы

Бір суппозиторийдің құрамында:

белсенді зат - Глицерин + тазартылған су (немесе 85 % глицерин), (сусыз глицеринге баламалы)

қосымша заттар: натрий карбонаты, натрий стеараты.

Сипаттамасы

Ақ немесе ақ дерлік түсті, гигроскопиялық, жартылай мөлдір суппозиторийлер

Фармакотерапиялық тобы

Ас қорыту жолы және зат алмасу. Іш жүргізетіндер. Басқа да іш жүргізетіндер. Глицерол.

АТХ коды A06AX01

Фармакологиялық қасиеттері

Фармакокинетикасы

Глицерин тік ішектің шырышты қабығынан жылдам және толық дерлік сіңеді. Бауырда белсенді метаболизденеді. Глюконеогенезге арналған субстраттардың бірі болып табылады және қан плазмасында глюкоза мөлшерін арттырады. Аздаған мөлшері өзгермеген түрде несеппен бөлінеді.

Фармакодинамикасы

Тік ішекке енгізгенде суппозиторийдің осмостық әсері, шырышты қабыққа жеңіл тітіркендіретін әсер береді, рефлекторлы жолмен дефекацияны стимуляциялайды. Ректальді суппозиторийлер түрінде қолданғанда нәжіс массасының шығарылуын жеңілдетеді. Әсері енгізгеннен кейін 15-30 минуттан соң басталады.

Қолданылуы

Глицериндік суппозиторийлер (1,5 г) ересектер мен 12 жастан асқан балаларда іш қатуды емдеу үшін пайдаланылады.

Глицериндік суппозиторийлер (0,75 г) 3 жастан асқан балаларда іш қатуды емдеу үшін пайдаланылады.

Қолдану тәсілі және дозалары

1 суппозиторийден ректальді тәулігіне 1 рет, дұрысы тамақтанудан кейін. Суппозиторийдің қалдығы организмнен нәжіспен бірге шығарылады. Қажет болғанда дозаны тәулігіне 2 суппозиторийге дейін арттыруға болады.

Ересектер мен 12 жастан асқан балаларға суппозиторий 1,5 г дозада тағайындалады. 3-тен 12 жасқа дейінгі балаларға суппозиторийді 0,75 г дозада тағайындайды.

Жағымсыз әсерлері

- тік ішектің тітіркенуі

- бас ауыруы

- жүрек айну және құсу

- сирек іш қату, шөлдеу, бас айналуы, сананың шатасуы және жүрек ырғағының бұзылуы

Қолдануға болмайтын жағдайлар

- глицеринге аса жоғары сезімталдық

- ректальді аурулар (геморрой (өршу фазасы), проктит, парапроктит, артқы өтістің жарылуы, қабыну аурулары және тік ішектің ісіктері)

- ішек бітелісі

- диагнозы қойылмаған іштің ауыруы

- 12 жасқа дейінгі балаларға (1,5 г суппозиторий үшін)

- 3 жасқа дейінгі балаларға (0,75 г суппозиторий үшін)

Дәрілермен өзара әрекеттесуі

Ректальді пайдаланылатын басқа дәрілік заттардың белсенділігін төмендетуі мүмкін.

Айрықша нұсқаулар

Дәріні балалардың қолы жетпейтін жерде ұстаңыз. Жұтуға болмайды. Суппозиторийді ішке қабылдамау керек. Пайдаланар алдында дәрігермен кеңесіңіз.

Ұдайы қабылдау ұсынылмайды.

Препарат компоненттерінің кез келгеніне жекелей жақпаушылығы бар адамдарға, сондай-ақ ректальді аурулар болғанда пайдаланбаған жөн.

Педиатрияда қолдану

Препарат 3 жастан кіші балаларға қолдануға арналмаған.

3 жасқа дейінгі балаларға қарсы көрсетілім болып табылады!

Жүктілік және лактация кезеңі

Қолданар алдында дәрігермен кеңесу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Глицериндік суппозиторийлердің көлік құралын немесе қауіптілігі зор механизмдерді басқару қабілетіне әсер етуі айқындалмаған.

Артық дозалануы

Глицериннің аздап іш жүргізетін әсері бар. Бас ауыруын, жүрек айнуы мен құсуды; сирек іш қату, шөлдеу, бас айналу, сананың шатасуы және жүрек ырғағының бұзылуларын туындатуы мүмкін.

Шығарылу түрі және қаптамасы

5 суппозиторийден поливинилхлорид/полиэтилен немесе алюминий /LD полиэтиленнен жасалған пішінді ұяшықты қаптамаға салынады.

1 - 2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25 ºС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

Farmina sp. z o.o., Липска к-сі 44, 30-721 Краков, Польша.

Тіркеу куәлігі иесінің атауы және елі

Farmina sp. z o.o., Липска к-сі 44, 30-721 Краков, Польша.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«АЛДИМЕД» ЖШС

Қазақстан Республикасы, 050051, Алматы қаласы, Самал-1 ықшам ауданы, 1-үй

тел./факс +7 727 262-70-97

e-mail: aldimed@mail.ru

Қалалар