Феррум Лек 100 мг № 30 табл

Сипаттама

Дәрілік затты қолдану жөнінде

мамандарға арналған

нұсқаулық

Феррум Лек/Ferrum Lek

Саудалық атауы

Феррум Лек

Халықаралық патенттелмеген атауы

Жоқ

Дәрілік түрі

100 мг шайнайтын таблеткалар

100 мл шәрбәт

Құрамы

Шайнайтын бір таблетканың құрамында

белсенді зат - 100 мг темір (ІІІ) гидроксиді полимальтозаты бар

қосымша заттар: декстраттар, макроголь 6000, аспартам Е951, тальк, шоколад эссенциясы.

Бір дозалағыш қасықтың (5 мл шәрбәттің) құрамында

белсенді зат - 50 мг темір (ІІІ) гидроксиді полимальтозаты бар

қосымша заттар: сорбитол, сахароза, этанол, қаймақ эссенциясы, метилпарагидроксибензоат, пропилпарагидроксибензоат, натрий гидроксиді, тазартылған су.

Сипаттамасы

Ашық-қоңыр, мәрмәр түсті, шоколад дәмі бар шеттерікертілгендөңгелек түрдегі жайпақ таблеткалар.

Дәмі тәттілеу, мөлдір қоңыр ерітінді.

Фармакотерапиялық тобы

Ішуге арналған (үш валентті) темір препараттары

АТЖ коды В03АВ

Фармакологиялық қасиеттері

Фармакокинетикасы

Феррум Лек шайнайтын таблеткалар және шәрбәті препаратының құрамындағы темір (ІІІ) гидроксиді мен полимальтоза жиынтығы түрінде болады, полимальтозаның бөлшектері полимер көмірсудың (полимальтозаның) молекулаларына кіріктірілген.Мұндай түрінде темір асқазан-ішек жолына зиянды әсер етпейді және тамақпен өзара әрекеттеспейді. Бұл орайда темірдің биожетімділігі де жоғарылайды. Темір гидроксиді (ІІІ) мен полимальтозаның құрылымы ферритиннің, организмде болатын және темір қорын жинағыш табиғи протеиннің құрылысына ұқсас болады. Осы ұқсастықтың арқасында темір табиғи жолмен сіңеді. Темір гидроксиді (ІІІ) мен полимальтозаның жиынтығыекі валентті темір тұздарына тән прооксиданттық қасиеттерге ие емес.

Фармакодинамикасы

Феррум Лек жасырын темір тапшылығын және темір тапшылығынан болатын анемияларды емдеу үшін қолданылады. Темір гемоглобиннің, миоглобиннің және құрамында темір бар ферменттердің маңызды құрамдас бөлігі болып табылады. Темір тапшылығында созылмалы шаршағыштық, назар аударудың төмендеуі, ашушаңдық, абыржушылық, бас ауыруы, тәбеттің жоғалуы, стресстік әсерлер мен жұқпаларды қабылдаудың жоғарылауы, бозару, ауыз бұрыштарындағы жарылулар (жемірілу), терінің құрғауы, шаш пен тырнақтың сынғыштығы байқалады.

Препараттың құрамына енетін темір организмдегі (атап айтқанда, темір тапшылықты анемиялардағы) сол элементтің жеткідіксіздігін жылдам толықтырады. Гемоглобиннің деңгейін қалпына келтіреді. Препаратпен емдеу кезінде темір тапшылығының клиникалық (әлсіздік, шаршағыштық, бас айналуы, тахикардия, тері жабындарының ауырсынғыштығы мен құрғау) симптомдарының және зертханалық симптомдарының біртіндеп оңалуы жүре бастайды.

Қолданылуы

-жасырын жүретін темір тапшылығы

-темір тапшылығынан болатын анемия

-жүктілік кезеңінде темір тапшылығынан болған анемия

Қолдану тәсілі мен дозалары

Феррум Лек шайнайтын таблеткалары мен шәрбәтін ішу арқылы қабылдайды, тәуліктік дозаны бір мезгілде қабылдауға немесе бірнеше қабылдауға бөлуге блады.

Феррум Лек шайнайтын таблеткаларын тамақтану кезінде немесе тамақтан кейін оларды шайнау немесе тұтастай жұту арқылы қабылдайды.

Феррум Лек шәрбәтін балаларға тамақтану кезінде немесе тамақтан кейін бірден береді, оны жеміс немесе көкөніс шырынымен емізуге арналған бөтелкеге құйып береді.

Айқын темір тапшылығы

1 жасқа дейінгі балалар: бастапқы дозасы Феррум лек шәрбәтінің 2,5 мл-ін (1/2 дозалағыш қасығын) құрайды, дозаны біртіндеп 5 мл-ге дейін (1 дозалағыш қасық) шәрбәтқа дейін арттырады.

1-ден 12 жасқа дейінгі балалар: тәулігіне 5-10 мл (1-2 дозалағыш қасық) сироп.

12 жастан үлкен балалар, ересектер, бала емізетін аналар: әдеттегі тәуліктік дозасы Феррум Лектің 1-3 шайнайтын таблеткалары немесе Феррум Лек шәрбәттің 10-30 мл (2-6 дозалағыш қасығы).

Емдеу 3-5 ай бойы гемоглобин деңгейі қалпына келгенге дейін жалғасады. Осыдан кейін препаратты тағы да бірнеше апта ішінде организмдегі темір тапшылығын толықтыру үшін жалғастырады.

Жүкті әйелдер

Тәулігіне Феррум Лектің 2-3 шайнайтын таблеткасы немесе Феррум Лек шәрбәтінің 20-30 мл (4-6 дозалағыш қасығы) гемоглобин деңгейі қалпына келгенге дейін. Бұдан кейін препаратты тәулігіне Феррум Лектің 1 шайнайтын таблеткасы немесе Феррум Лек шәрбәтінің 10 мл (2 дозалағыш қасығы) дозасында организмдегі темір қорын толықтыру үшін жоқ дегенде жүктіліктің соңына дейін тағайындайды.

Жасырын темір тапшылығы

1 жасқа дейінгі балалар: белгіленетін дозасы төмен болуына байланысты Феррум Лек препараттары бұл көрсетілім бойынша тағайындалмайды.

1-ден 12 жасқа дейінгі балалар: тәулігіне 2,5-5 мл (1/2-1 дозалағыш қасық) Феррум Лек шәрбәті.

12 жастан үлкен балалар, ересектер, бала емізетін аналар: Тәулігіне Феррум Лектің 1 шайнайтын таблеткасы немесе Феррум Лек шәрбәтінің 5-10 мл (1-2 дозалағыш қасығы). Емдеу 1-2 ай бойы жалғастырылады.

Жүкті әйелдер

Тәулігіне Феррум Лектің 1 шайнайтын таблеткасы немесе Феррум Лек шәрбәтінің 5-10 мл (1-2 дозалағыш қасығы).

Кесте: Темір тапшылығының алдын алу мен емдеуге арналған Феррум Лектің тәуліктік дозалары

д.қ.: дозалағыш қасық

(--) дозалануы өте төмен, сондықтан бұл көрсетілім бойынша шәрбәт тағайындалмайды.

Шәрбәтті дұрыс өлшеп алу үшін дозалағыш қасықты пайдалану керек. Әлсіз бояудың пайда болуы препараттың дәмі мен тиімділігіне әсер етпейді.

Жағымсыз әсерлері

• асқазан-ішек бұзылулары: асқазанның толып кетуін сезіну, эпигастрияның керілуін сезіну, жүрек айнуы, іш қату немесе диарея.

Таблеткалар немесе шәрбәт түріндегі Феррум Лек тістердің боялуын туғызбайды.

Қолдануға болмайтын жағдайлар

-препараттың қандай да бір компонентіне жоғары сезімталдық

-гемохроматоз, гемосидероз

-темірді пайдалану бұзылғанда (мысалы, қорғасын анемиясында, сидероахрестикалық анемия, талассемия)

-анемия темір тапшылығымен байланысты болмаса (мысалы, гемолитикалық анемия).

Дәрілермен өзара әрекеттестігі

Анықталмаған

Айрықша нұсқаулар

Қант диабеті бар емделушіге арналған ақпарат: 1 таблетканың немесе 1 мл шәрбәттің құрамында 0.04 нан бірлігі бар.

Егер анемия жұқпаның немесе қатерлі түзілістің болуымен байланысты болса, организмге енгізілетін темір ретикуло-эндотелий жүйесінде жинақталады және тек негізгі аурудан жазылғаннан кейін ғана организм оны пайдалана бастайды.

12 жастан кіші балаларға арналған дозалар ересектерге арналған дозалардан төмен болатындықтан оларға таблеткалардың орнына шәрбәт тағайындалады.

Феррум Лек таблеткаларының құрамында бір таблеткаға 1.5 мг-ға барабар мөлшерде Е 951 аспартам (фенилаланиннің алдыңғы түрі) бар. Бұл зат фенилкетонуриясы бар емделушілерге зиянды әсер етуі ықтимал.

Препаратты қабылдау туғызған нәжістің қара түске боялуыклиникалық мәнге ие емес.

Препараттар жасырын қанның болуын анықтайтын (гемоглобинге іріктелген) анализге әсер етпейді, сондықтан анализді жүргізу үшін емдеуді тоқтатудың қажеті жоқ.

Жүктілік пен лактация

Жүктілік пен лактация кезеңіндепрепаратты қолдану организмге зиянды әсер етпейді.

Дәрілік заттың көлік құралдарын немесе қауіпті деп саналатынмеханизмдерді басқару қабілетіне әсер ету ерекшеліктері

Феррум Лек автокөлікті немесе механизмдерді басқару қабілетіне әсер етпейді.

Артық дозалау

Анықталмаған

Шығарылу түрі мен қаптамасы

Феррум Лек 100 мг шайнайтын таблеткалар стрип/алюминий блистерлерде 10 таблеткадан, картон пашкеде қолдану жөніндегі нұсқаулығымен бірге 3 стриптен (№30).

Феррум Лек 50 мг/5 мл шәрбәт шыны құтыда 100 мл-ден, олар қартон пашкеде дозалағыш қасығымен, қолдану жөніндегі нұсқаулығымен бірге болады.

Сақтау шарттары

25⁰С-ден аспайтын температурада сақтау қажет.

Балалар қол жеткізе алмайтын жерде сақтау керек!

Жарамдылық мерзімі

5 жыл

Қаптамасында басылып көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт бойынша

Өндіруші

Vifor (International) Inc.

St.Gallen, Швейцария лицензиясы бойынша

Lek Pharmaceuticals d.d.

Веровшкова 57, Любляна, Словения

Дәріханалар

Қалалар