Фуразолидон 0,05 мг № 10 табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фуразолидон 0,05 мг № 10 табл

Қолжетімділігі
Тауар қолда жоқ
Үлгі
4810201004105
Елі
Беларусь
Өндіруші
Борисовский завод медицин
  • Сипаттама

Сипаттама

Дәрілік затты медициналық қолдану

жөніндегі нұсқаулық

Фуразолидон

Саудалық атауы

Фуразолидон

Халықаралық патенттелмеген атауы

Фуразолидон

Дәрілік түрі

Таблеткалар 50 мг

Құрамы

Бір таблетканың құрамында:

белсенді зат – 50 мг фуразолидон;

қосымша заттар: лактоза моногидраты, сусыз коллоидты кремнийдің қостотығы, кальций стеараты, картоп крахмалы.

Сипаттамасы

Сарыдан жасылдау-сары түске дейін, жалпақ цилиндр пішінді, ойығы бар таблеткалар

Фармакотерапиялық тобы

Урогенитальді ағзаларды емдеуге арналған препараттар және жыныс гормондары. Антисептиктер және гинекологиялық ауруларды емдеуге арналған микробқа қарсы препараттар (кортикостероидтармен біріктірілімдерін қоспағанда). Басқа антисептиктер және микробқа қарсы препараттар.

Фуразолидон.

АТХ коды G01AX06

Фармакологиялық қасиеттері

Фармакокинетикасы

Ішке қабылдау кезінде асқазан-ішек жолында жақсы сіңеді. 100 мг дозада қабылдағаннан кейін қан плазмасындағы Фуразолидонның ең жоғары концентрациясы 0,25-0,43 мкг/мл құрайды және 1,85-3,0 сағаттан соң жетеді.

Плацента, гематоэнцефалдық бөгет арқылы жеңіл өтеді. Емдік концентрацияларда несепте және нәжісте анықталады.

Амин туындыларының түзілуімен бауырда биологиялық өзгеріске ұшырайды. Организмнен өзгермеген дәрінің үлесі 65% құрап, несеппен сондай-ақ нәжіспен шығарылады.

Фармакодинамикасы

Кең ауқымды әсер ететін синтетикалық микробтарға қарсы дәрі. Бактериостатикалық және бактерицидті әсер етеді.

Әсер ету механизмі флавопротеиннің (аэробты организмдерде) және ферредоксинредуктазаның (анаэробты организмдерде және паразиттік қарапайымдыларда) әсер етуімен Фуразолидон рибосомалық протеиндерді зақымдайтын, ақуыздың синтезін, ДНҚ, РНҚ бұзатын белсенді интермедиант микроорганизм жасушаларында қалпына келуіне байланысты.

Грамоң аэробты бактерияларға: Staphylococcus spp., Streptococcus spp.; грамтеріс аэробты бактерияларға: Escherichia coli, Enterobacter spp., Helicobacter pylori, Klebsiella spp., Salmonella spp., Shigella spp., Proteus spp. Enterococcus spp. қатысты белсенді, Candida тектес зеңдерге қатысты белсенді. Қарапайым Trichomonas vaginalis, Giardia lamblia қатысты белсенді. Дизентерия, іш сүзегі және паратиф (Salmonella spp., Shigella spp.) қоздырғыштары препаратқа неғұрлым сезімтал. Pseudomonas aeruginosa, Acinetobacter spp. іріңді және анаэробты инфекциялардың қоздырғыштарына нашар әсер етеді. Препаратқа микробтықтөзімділік баяу дамиды.

Қолданылуы

  • дизентерияда
  • паратифтерде
  • тағамдық токсикоинфекцияларда
  • Фурозолидонға сезімтал микроорганизмдермен туындаған басқа ауруларды емдеу үшін.

Қолдану тәсілі және дозалары

Препаратты тамақтан кейін сұйықтықтың мол мөлшерімен (100-200 мл) ішіп, ішке қабылдайды.

Дизентерия, паратифтер, тағамдық токсикоинфекцияларда ересектерге 2-3 таблеткадан (100-150 мг) тәулігіне 4 рет (бірақ 800 мг асырмай) 5-10 күн бойы қабылдайды. 8 жастан асқан балаларға препаратты кг дене салмағына тәулігіне 6-7 мг есебінен тағайындайды; тәуліктік дозаны 4 қабылдауға бөледі. Курстың ұзақтығы аурудың ауырлығы мен тиімділігіне және емге сезімталдығына байланысты.

Лямблиоз кезінде ересектерге 2 таблеткадан (100 мг) тәулігіне 4 рет тағайындайды; 8 жастан асқан балаларға препаратты кг дене салмағына тәулігіне 6-7 мг есебінен тәулігіне 3-4 қабылдауға тағайындайды. Емдеу курсы – 5-10 күн.

Фуразолидонмен диареяны емдеу кезінде емдік әсер емнің 2-5 күні ішінде дамиды. Кейде пациенттерге неғұрлым ұзақ емдеу мерзімі талап етілуі мүмкін. Егер қанағаттанарлық клиникалық жауап 7 күн ішінде алынбаса, бұл қоздырғыш фуразолидонның әсеріне рефрактерлі екенін білдіреді және препаратты қабылдауды тоқтату керек. Басқа бактерияларға қарсы дәрілермен немесе висмут тұздарымен қосымша ем тағайындауға болады.

Ересектер үшін жоғары дозалар: бір реттік – 200 мг, тәуліктік – 800 мг. Фуразолидонды 10 күннен артық қабылдау ұсынылмайды.

Жағымсыз әсерлері

Асқазан-ішек бұзылыстары: іштің ауыруы, жүрек айнуы, құсу, диарея, анорексия, холестаз.

Орталық жүйке жүйесі тарапынан: бас ауыруы, бас айналуы, шеткері нейропатия.

Қан жүйесі тарапынан: сирек – лейкопения, агранулоцитоз, глюкоза-6-фосфатдегидрогеназа тапшылығы бар адамдардағы гемолиз.

Аллергиялық реакциялар: тері қышынуы, есекжем, бөртпе, оның ішінде теңбілді-папулезді.

Басқалар: гипогликемия, ортостаздық гипотензия, несептің күңгірт-сарыға боялуы, қызба, әлсіздік.

Қолдануға болмайтын жағдайлар

  • бүйрек функциясының айқын бұзылуы, бүйрек жеткіліксіздігі, олигурия
  • глюкоза-6-фосфатдегидрогеназа жеткіліксіздігі
  • жедел порфирия
  • 8 жасқа дейінгі балалар
  • жүктілік және лактация кезеңі
  • препараткомпоненттеріне және фуразолидонға жекелей жоғары сезімталдық
  • тұқым қуалаған фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы.

- несеп шығару жолдары инфекциялары кезінде тағайындауға болмайды.

Дәрілермен өзара әрекеттесуі

Несепті сiлтiлендіретiн дәрілер (натрий гидрокарбонаты, трисамин) Фуразолидонның әсерін (оның несеппен шығарылуын жеделдету есебiнен) төмендетедi, ал несепті қышқылдататын дәрілер (амин қышқылдарының ерiтiндiлері, аскорбин қышқылы, метионин, қалий оротаты) оны жоғарылатады.

Аминогликозидтер және тетрациклиндер фуразолидонның микробтарға қарсы әсерiн күшейтедi.

Хлорамфениколмен және ристомицинмен бiрлесе қолдану кезінде бұл дәрiлiк заттардың гематоуытты әсерiн (қан түзілуін әлсірету қабiлеттiлiгін) күшейтедi.

Этанол метаболизмінің өнiмдерiне организмді сенсибилизациялап, дисульфирамға ұқсас әсерге ие болады. Фуразолидонмен емдеу уақытында алкогольдік сусындарды қолдануға болмайды.

Фуразолидон МАО-ны тежейді, оны қолдану кезінде құрамында тирамин бар ферменттелген азық-түлiк өнiмдерiн (қызыл шарап, ысталған ет және ет өнiмдері, устрицалар, iрiмшiктiң жұмсақ сұрыптары, шоколад, соялық ақуызбен өнiмдерді) рационнан шығару керек. Қышқыл жемiс шырындары, тіпті уытты әсердің даму мүмкiндiгіне дейiн Фуразолидонның әсерін күшейтедi.

МАО тежегіштерінің тобындағы антидепрессанттармен (ниаламид, транилципрамин, моклобемид), трициклдi антидепрессанттармен (имипрамин, амитриптилин), симпатомиметиктермен (эфедрин) бiрлесе қолдану кезінде гипертониялық криздің даму қаупі туындайды.

В тобының дәрумендері Фуразолидонның жүйкеге уытты жағымсыз әсерiн әлсiретедi.

Айрықша нұсқаулар

Электролиттiк бұзылулары, бүйрек функциясының бұзылуы және В тобы дәрумендерінің тапшылығы, анемия, қант диабеті бар егде жастағы адамдарға тағайындауда сақ болу керек, өйткенi препараттың нейроуытты әсерi күшеюi мүмкiн.

Артериялық қысымның жоғарылау қаупіне және психикалық бұзылыстарға байланысты рационнан тираминге бай өнімдерді (ірімшік, шоколад, ысталған өнімдер және т.б.) шығару ұсынылады. Фуразолидонмен бір мезгілде жөтел және суық тиюді емдеуге арналған препараттарды қабылдамаған жөн.

Жүктілік және лактация.

Жүктілік уақытында Фуразолидонды қолдануға болмайды. Лактация кезеңінде оны қолдану қажет болса, барлық емдеу кезеңінде баланы емшектен шығару керек.

Педиатрияда қолдану.

8 жасқа дейінгі балаларға қолдануға болмайды.

Автокөлік жүргізу және механизмдерді басқару қабілетіне әсер етуі.

Көлік құралдарын басқаратын адамдарға, қауіптілігі зор механизмдермен жұмыс істейтіндерге жұмыс кезінде қолдануға болмайды, өйткені препаратты қолданғанда зейін қоюдың төмендеуі мүмкін.

Артық дозалануы

Симптомдары: нейроуытты реакциялар, полиневрит, жедел уытты гепатит, қан түзу жүйесі тарапынан бұзылулар.

Емі: препаратты тоқтату, препараттың несеппен экскрециясын ұлғайту үшін сұйықтықтың көп мөлшерін қабылдау, гемодиализ, симптоматикалық ем (антигистаминдік дәрілер, В тобының дәрумендері).

Арнайы антидоты жоқ.

Шығарылу түрі және қаптамасы

10 таблеткадан қағаз және картон негізінде біріктірілген материалдан жасалған пішінді ұяшықсыз қаптамаға салынған.

Пішінді ұяшықсыз қаптамалар (қорапшаға салынбай) медициналық қолдану жөніндегі мемлекеттік және орыс тіліндегі нұсқаулықтардың сәйкес санымен бірге картоннан жасалған қорапқа салынған.

10 таблеткадан поливинилхлоридті үлбірден және баспалы лакталған алюминий фольгадан немесе алюминий фольга негізіндегі иілгіш қаптамадан немесе фольга негізіндегі біріктірілген материалдан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Сақтау шарттары

Құрғақ, жарықтан қорғалған жерде, 25° С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы, мекенжайы және байланыс деректері

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64,

тел/факс 8-(10375177)734043.

Тіркеу куәлігі иесінің атауы және елі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан өнім (тауар) сапасына қатыстышағымдарды қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері

Қазақстан Республикасы, 050026. Алматы қ., Нұрмақов к-сі 26 / 195, 39 пәтер,тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru