Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Белацеф пор д/пригот-я р-ра д/инъекций 1 гр № 5 флак

Қолжетімділігі
Тауар қолда жоқ
Үлгі
3800035415285
Елі
Болгария
Өндіруші
Balkanpharma-Razgrad AD
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Белацеф

Халықаралық патенттелмеген атауы

Цефтриаксон

Лекарственная форма, дозировка

Инъекция үшін ерітінді дайындауға арналған ұнтақ, 1 г

Фармакотерапиялық тобы

Жүйелі пайдалануға арналған инфекцияға қарсы препараттар.

Жүйелі пайдалануға арналған бактерияға қарсы препараттар. Бета-лактамды бактерияға қарсы басқа да препараттар. Үшінші буын цефалоспориндері. Цефтриаксон.

АТХ коды J01DD04

Қолданылуы

Препаратқа сезімтал қоздырғыштар туғызған ересектердегі және балалардағы инфекцияларда:

  • бактериялық менингит
  • ауруханадан тыс пневмония
  • ауруханалық пневмония
  • жедел ортаңғы отит
  • құрсақ қуысы ағзаларының инфекциялары
  • бүйрек пен несеп шығару жолдарының асқынған инфекциялары (пиелонефритті қоса)
  • сүйектер мен буындардың инфекциялары
  • жұмсақ тіндер мен терінің асқынған инфекциялары
  • соз
  • мерез
  • бактериялық эндокардит
  • ересек пациенттердегі өкпеніңсозылмалы обструкциялық ауруларының қайталануы
  • 15 күннен асқан жаңа туған нәрестелерді қоса, ересек пациенттер мен балалардағы диссеминацияланған Лайм ауруы (аурудың ерте және кеш сатылары)
  • Инфекциялық асқынулардың операция алдындағы профилактикасы
  • болжамды түрде бактериялық инфекциядан туындаған нейтропения аясындағы қызбада
  • жоғарыда атап көрсетілген немесе солармен байланысты болуы мүмкінаурулардың қандай да бірінен туындаған бактериемияда

Белацеф қолдануға болады:

Болжамды қоздырғыш цефтриаксонның әсер ету спектріне кірмейтін жағдайда, Белацеф препаратын бактерияға қарсы басқа да препараттармен біріктіріп тағайындау қажет.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • цефтриаксонға, цефалоспориндерге немесе препараттың қосымша заттарының біріне жоғары сезімталдық
  • анамнезінде бета-лактамды бактерияға қарсы препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар)
  • еріткішке - лидокаинге жоғары сезімталдық (лидокаинді медициналық қолдану жөніндегі нұсқаулықтағы ақпаратқа сәйкес лидокаин үшін қарсы көрсетілімдерді ескеру керек), егер еріткіш ретінде лидокаин пайдаланылса, Белацеф препаратының ерітіндісін вена ішіне енгізуге болмайды
  • 41 аптаға дейінгі жастағы шала туған балалар (гестациялық жасы және туғаннан кейінгі жасыныңқосындысы)
  • мерзіміне жетіп туғаннәрестелер (≤ 28 күндік жастағы)
  • жаңа туған нәрестелерде гипербилирубинемия, сарғаю, гипоальбуминемия немесе ацидоз (in vitro зерттеулер цефтриаксон осындай пациенттерде билирубиндік энцефалопатияның даму қаупін арттыра отырып, сарысулық альбуминмен байланысты билирубинді ығыстыра алатынын көрсетті)
  • жаңа туған нәрестелерге құрамында кальций бар ерітінділерді вена ішіне енгізу.Құрамында кальций бар ұзақ инфузияларды қоса, мысалы, цефтриаксонның кальций тұздары преципитаттарының пайда болу қаупіне байланысты парентеральді қоректендіру кезінде құрамында кальций бар ерітінділермен вена ішіне енгізу тағайындалған немесе болжанатын жаңа туған нәрестелер (≤ 28 күн).

Қолданған кездегі қажетті сақтандыру шаралары

Егер еріткіш ретінде лидокаин қолданылса, Белацеф препаратының ерітіндісін тек бұлшықет ішіне енгізуге болады. Қолданар алдында лидокаинге қарсы көрсетілімдермен, ескертулермен және лидокаин нұсқаулығында егжей-тегжейлі жазылған басқа да ақпаратпен танысу керек

Басқа дәрілік препараттармен өзара әрекеттесуі

Белацеф препаратын еріту үшін немесе тамшылатып вена ішіне енгізу үшін құтының ішіндегісін қосымша сұйылту үшін Рингер ерітіндісі немесе Хартман ерітіндісі сияқты құрамында кальций бар еріткіштер пайдаланылмауы тиіс, себебі мұндай жағдайларда тұнба түзілуі мүмкін. Егер Белацеф препараты вена ішіне енгізуге арналған құрамында кальций бар ерітінділермен араластырылса, Цефтриаксон-кальций тұнбасы түзілуі мүмкін. Белацефті вена ішіне енгізуге арналған құрамында кальций бар ерітінділермен (мысалы, парентеральді қоректендіруге арналған ерітінділермен) бір мезгілде енгізуге болмайды, алайда жекелеген жағдайларда (жаңа туған нәрестелерден басқа), цефтриаксон және құрамында кальций бар ерітінділер, егер инфузиялық енгізуге арналған жүйе стерильді үйлесімді ерітіндімен алдын ала мұқият жуылса, бір-бірінен кейін ретімен енгізілуі мүмкін. Жаңа туған нәрестелерде цефтриаксон-кальций тұнбасы түзілуінің қаупі жоғары.

Қанның ұюын төмендететін пероральді препараттарды бір мезгілде қабылдау қан кетулер қаупін арттыруы мүмкін, бұл препараттардың әсері К дәрумені әсеріне қарама-қайшы. Қанның ұю көрсеткіштерін жиі бақылау және қажет болған жағдайда, Белацеф препаратымен емдеу кезінде және емдеу аяқталғаннан кейін қанның ұюын төмендететін препараттардың дозасын түзету ұсынылады.

Цефалоспориндермен бір мезгілде қолданғанда, аминогликозидтер тобының антибиотиктерінің бүйрекке уытты әсері жоғарылауы мүмкін, сондықтан бүйрек функциясын және қандағы аминогликозидтер концентрациясын бақылау қажет.

Хлорамфеникол мен цефтриаксонның қарама-қарсы әсері анықталды, осы антагонизмнің клиникалық мәні белгісіз.

Цефтриаксонның және құрамында кальций бар пероральді препараттардың өзара әрекеттесуі немесе бұлшықет ішіне енгізуге арналған цефтриаксонның және құрамында кальций бар препараттардың (вена ішіне немесе пероральді қолдану үшін) өзара әрекеттесуі туралы хабарламалар түскен жоқ.

Белацеф препаратының және несеп айдайтын препараттардың (мысалы, фуросемид) үлкен дозаларын бір мезгілде қолданған кезде бүйрек функциясының бұзылуы байқалған жоқ.

Цефтриаксон қабылдайтын пациенттерде қанның үйлесімділігіне Кумбс тесті жалған оң нәтиже беруі мүмкін. Басқаантибиотиктер сияқты цефтриаксон галактоземияға тесттің жалған оң нәтижесіне әкелуі мүмкін. Сонымен қатар, несептегі глюкозаны анықтаудың ферментативті емес тәсілдері жалған оң нәтиже беруі мүмкін, сондықтан Белацеф препаратымен емдеу кезінде несептегі глюкоза деңгейін анықтауды ферментативті әдістерді қолдану арқылы жүргізу қажет.

Пробенецидті бір мезгілде қолдану цефтриаксонның шығарылуын төмендетпейді.

Арнайы ескертулер

Жоғары сезімталдық реакциялары

Басқа бета-лактамды антибиотиктерді қолданғандағыдай, сезімталдығы жоғары, оның ішінде өліммен аяқталатын ауыр реакциялар байқалды. Бұл жағдайларда препаратты қолдануды тоқтату және дереу дәрігерге қаралу қажет. Белацеф препаратымен емдеуді бастамас бұрын дәрігерге жоғары сезімталдықтың барлық реакциялары немесе бұрын антибиотиктерге жоғары сезімталдықтың ауыр реакциялары туралы хабарлау қажет. Жоғары сезімталдықтың терідегі ауыр реакцияларының даму жағдайлары туралы хабарланған (Стивенс-Джонсон синдромы немесе Лайелл синдромы/уытты эпидермальді некролиз). Мұндай реакциялардың даму жиілігі белгісіз.

Дәрілік препаратты қолданудан туындаған ауру қоздырғышының жаппай қырылуынан туындаған реакция (Яриш-Герксгеймер): температураның жоғарылауы, қалтырау, қан қысымының төмендеуі, жүрек соғуының жиілеуі, жүрек айнуы, бас ауруы, бұлшықеттердің ауыруы, негізгі аурудың жаңа симптомдарының пайда болуы немесе нашарлауы көрініс береді. Бұл реакция спирохетамен инфекция жұқтырған кейбір пациенттерде цефтриаксонмен емдеу басталғаннан кейін көп ұзамай басталды, әдетте ол өз бетінше өтеді, кейде симптоматикалық ем қажет болуы мүмкін. Белацеф препаратымен емдеуді тоқтату қажет емес.

Құрамында кальций бар препараттармен өзара алмасуы: цефтриаксон мен құрамында кальций ерітінділері бар ерітінділерді немесе кез келген басқа да құрамында кальций бар өнімдерді қабылдаған, жасы 1 айдан кіші жаңа туған нәрестелердің өкпесі мен бүйрегінде цефтриаксон-кальций тұздарының жинақталуы салдарынан өлімге әкелетін реакциялар жағдайлары сипатталған. Жаңа туған нәрестелерде цефтриаксон-кальций преципитаттарының пайда болу қаупі жоғары. Кез келген жастағы пациенттердеБелацеф препаратын әртүрлі венаға енгізген кездің өзінде, қандай да бір құрамында кальций бар венаішілік ерітінділермен араластыруға немесе бір мезгілде енгізуге болмайды. 28 күннен асқан пациенттерге Белацеф препаратын және құрамында кальций бар ерітінділерді дененің әртүрлі бөліктеріне әртүрлі инфузиялық жүйелерді пайдалана отырып, бірінен кейін бірін ретімен енгізуге болады немесе егер тұнбаның пайда болуының алдын алу үшін құю арасындағы инфузиялық жүйелер ауыстырылды немесе тұзды физиологиялық ерітіндімен мұқият шайылған. Тұздар түзілуінің алдын алу үшін және құрамында кальций бар венаішілік қоректік ерітінділерді енгізу қажет болған жағдайда дәрігер басқа антибиотик тағайындауы мүмкін немесе құрамында кальций бар венаішілік қоректік ерітінділерді қолдануды тоқтатуы немесе Белацеф препаратын және құрамында кальций бар венаішілік қоректік ерітінділерді бір мезгілде, бірақ әртүрлі вена ішіне енгізуі мүмкін.

Балалар: жаңа туған нәрестелер мен балаларға арналған Белацеф препаратының қауіпсіздігі мен тиімділігі «Қолдану тәсілі мен дозалары» бөлімінде сипатталған. Белацеф препаратын қандағы билирубиннің жоғарылауы салдарынан мидың зақымдану қаупіне байланысты шала туған және мерзіміне жетіп туған нәрестелерге қолдануға болмайды.

Қан аздығы: Белацефті қоса, осы топтағы препараттармен емдеу кезінде цефтриаксонды қолданумен байланысты қан жасушаларының бұзылуынан қан аздығы (иммундық анемия) дамуы мүмкін. Ауыр жағдайлар, соның ішінде өліммен аяқталатын жағдайлар балалар мен ересектерде байқалды. Егер Белацеф препаратымен емдеу кезінде қан аздығы дамыса, препаратты қолдануды тоқтату және дереу дәрігерге қаралу қажет.

Ұзақ емдеу: ұзақ емдеген кезде шеткері қан көрсеткіштерін, бауыр мен бүйректің функционалдық жай-күйлерін ұдайы бақылау қажет.

Жуан ішектің шырышты қабығының қабыну аурулары (колит)/жаңа инфекция: жуан ішектің шырышты қабығының қабыну аурулары барлық дерлік антибиотиктерді қолданғанда байқалды. Олардың ауырлық дәрежесі ауру ағымының ауырлығына байланысты жеңілден өмірге қауіп төндіретін ауыр дәрежеге дейін әртүрлі болуы мүмкін, дәрігер Белацеф препаратымен емдеуді тоқтатып, спецификалық ем тағайындауы мүмкін. Ішек перистальтикасын бәсеңдететін дәрілік заттарды мұндай жағдайларда қолданбайды. Басқа антибиотиктерді қолданғандағыдай, сезімтал емес микроорганизмдерден туындаған жаңа инфекцияның дамуы байқалуы мүмкін.

Бүйрек және бауырдың ауыр жеткіліксіздігі: бүйрек және бауырдың ауыр жеткіліксіздігі кезінде препараттың қауіпсіздігі мен тиімділігін дәрігер мұқият бақылауы қажет.

Зертханалық зерттеулер: Белацеф препаратымен емдеу кезеңінде зертханалық тестілер көрсеткіштері – Кумбс сынамасының жалған оң нәтижелері,галактоземия көрсеткіштері, несептегі глюкоза деңгейі, қандағы глюкозаның төмен көрсеткіштері ауытқуы мүмкін.

Натрий мөлшері: Белацеф препаратының әрбір граммында 3,6 ммоль (83 мг) натрий бар. Мұны натрий қабылдағанда бақылауды қажет ететін пациенттерге тағайындағанда ескеру керек.

Цефтриаксонның әсер ету ауқымы: Белацеф препараты бактериялардың барлық түрлеріне тиімді әсер етпейді. Бір мезгілде бірнеше қоздырғыштардан туындаған ауру кезінде, сондай-ақ егер олардың біреуі препаратқа сезімтал болмаса, дәрігер Белацеф препаратын басқа антибиотикпен біріктіріп тағайындауы мүмкін.

Лидокаин: егер еріткіш ретінде лидокаин қолданылса, Белацеф препаратының ерітіндісін тек бұлшықет ішіне енгізуге болады. Егер сізде лидокаинге аллергия болса, Сіз бұл туралы дәрігерге хабарлауыңыз керек.

Өт қабында цефтриаксонның кальций тұздарының түзілуі: цефтриаксонды қолданғаннан кейін, әдетте ұсынылған әдеттегі дозадан (тәулігіне 1 г және одан жоғары) асатын дозадаөт қабын ультрадыбыстық зерттеу кезінде көлеңкелер анықталды, оларды қателесіп тас деп қабылдаған.Олар цефтриаксонның кальций тұздары болып табылады, олар көбінесе балаларда пайда болуы мүмкін. Бұл тұздар сирек қандай да бір көрініс береді жәнепрепаратты қабылдаудытоқтатқаннан кейін жоғалады. Олар пайда болған жағдайда, кейде дәрігер Белацеф препаратымен емдеуді тоқтатуы мүмкін.

Өттің іркілуі: цефтриаксон қабылдаған науқастарда өттің іркілуінен туындаған панкреатиттің сирек жағдайлары сипатталған (өт жолдарында тұздардың жинақталуына байланысты). Бұл пациенттердіңкөпшілігінде өт жолдарында іркілістің дамуына ықпал ететін факторлар болды, мысалы, алдыңғы емдеу шаралары, ауыр аурулар және организмге қоректік заттарды тек вена ішіне инфузиялау арқылы енгізу (асқазан-ішек жолы арқылы емес).

Бүйрек-тас ауруы: бүйрек-тас ауруы жағдайлары туралы хабарланған, олар цефтриаксонды қабылдауды тоқтатқаннан кейін өтуі мүмкін. Клиникалық симптомдар пайда болған кезде, дәрігер ультрадыбыстық тексеру жүргізуді ұсынуы мүмкін. Белацеф препаратын бүйрек-тас ауруы кезінде немесе несептегі кальций деңгейі жоғарылағанда қолдану мүмкіндігін дәрігер жекелеген тәртіппен қарайды.

Жүктілік: цефтриаксон плаценталық бөгет арқылы өтеді. Жүктілік кезінде цефтриаксонды қолдану қауіпсіздігі анықталмаған. Жүктілік кезінде (әсіресе, бірінші триместрде) препаратты ана үшін күтілетін пайдасы шарана үшін ықтималды қауіптен асқан кезде ғана дәрігер тағайындауы мүмкін.

Емшекпен емізу: цефтриаксон төмен концентрацияларда емшек сүтімен бөлініп шығарылады. Белацеф препаратының емдік дозаларын қолданғанда емшек еметін балаларда ешқандай жағымсыз әсерлер күтілмейді, алайда сұйық нәжістің даму қаупін, шырышты қабықтардың зеңдік зақымдануын және аллергиялық реакцияларды жоққа шығаруға болмайды. Емшекпен емізу кезеңінде анасының Белацеф препаратымен емдеу қажеттілігін дәрігер анықтайды.

Фертильділік: ерлер мен әйелдерде ұрпағын жаңғырту қабілетіне жағымсыз әсер анықталмаған.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Көлік құралдарын және қозғалыстағы механизмдерді басқару қабілетіне әсер етуі мүмкін бас айналу және басқа да жағымсыз жанама реакциялардың даму мүмкіндігіне байланысты Белацеф препаратымен емдеу кезеңінде сақ болу қажет.

Қолдану жөніндегі нұсқаулар

Дозалау режимі

Препараттың дозасы аурудың ауырлығына, қоздырғыштың сезімталдығына, пациенттің жасына, пациентте бауыр және бүйрек функциялары бұзылуының болуына байланысты. Кестеде ұсынылған дозалар - бұлкөрсетілген көрсетілімдердегі әдеттегі дозалар. Айрықша жағдайларда ең жоғары ұсынылған дозаны енгізу көрсетілген.

Ересектер мен 12 жастан асқан балалар (дене салмағы 50 кг-ден жоғары)

Препараттың дозасы*

Енгізу жиілігі **

Көрсетілімдері

1-2 г

Тәулігіне 1 рет

Ауруханадан тыс пневмония

Өкпенің созылмалы обструкциялық ауруларының қайталануы

Құрсақ қуысы ағзаларының инфекциялары

Бүйрек және несеп шығару жолдарының асқынған инфекциялары (пиелонефритті қоса)

2 г

Тәулігіне 1 рет

Ауруханалық пневмония

Тері мен жұмсақ тіндердің асқынған инфекциялары

Сүйектер мен буындардың инфекциялары

2-4 г

Тәулігіне 1 рет

Қандағы нейтрофилдер саны төмен пациенттерде қызба кезінде бактериялық инфекциялардың болуына күдіктену (нейтропениясымен)

Бактериялық эндокардит

Бактериялық менингит

* Қанда бактериялардың болуы анықталғандаедәуір жоғары ұсынылған дозаларды тағайындау қажеттілігін қарастыру керек

** Тәулігіне 2 г-ден жоғары дозаны тағайындаған жағдайда препарат дозасын бөлуге және оны күніне 2 рет енгізу керек (12 сағат сайын).

Ересектер мен 12 жастан асқан балалар үшін дозалау режимдері (дене салмағы ≥ 50 кг)

Жедел ортаңғы отит: ауыр жағдайларда немесе алдыңғы емнің әсері болмаған жағдайда Белацеф препаратының бір реттік дозасын бұлшықет ішіне енгізуге болады, Белацефті 3 күн бойы тәулігіне 1-2 г дозада бұлшықет ішіне тағайындауға болады.

Хирургиялық инфекциялардың операция алдындағы профилактикасы: операция алдында бір рет 2 г.

Соз: 500 мг бір рет, бұлшықет ішіне.

Мерез: әдеттегі ұсынылатын дозалар тәулігіне 1 рет 500 мг – 1 г құрайды (нейромерез кезінде тәулігіне 2 г-ге дейін доза тағайындалуы мүмкін), емдеу ұзақтығы 10-14 күн.

Кене арқылы берілетін инфекциялық ауру-диссеминацияланған Лайм боррелиозы (ерте (II кезең) және кеш (III кезең): тәулігіне 1 рет, 2 г-ден, емдеу ұзақтығы 14 -21 күн.

Балалар

Жаңа туған нәрестелер (өмірінің 15 күнінен бастап), емшек еметін сәбилер және 12 жастан кіші балалар (дене салмағы 50 кг-ден аз)

Дене салмағы 50 кг және одан жоғары балаларға ересектерге арналған әдеттегі дозалар тағайындалады.

Препараттың дозасы*

Енгізу жиілігі **

Көрсетілімдері

50-80 мг/кг

Тәулігіне 1 рет

Құрсақ қуысы ағзаларының инфекциялары

Бүйрек және несеп шығару жолдарының асқынған инфекциялары (пиелонефритті қоса)

Ауруханадан тыс пневмония

Ауруханалық пневмония

50-100 мг/кг (ең жоғары тәуліктік доза - 4 г)

Тәулігіне 1 рет

Тері мен жұмсақ тіндердің асқынған инфекциялары

Сүйектер мен буындардың инфекциялары

Қандағы нейтрофилдер саны төмен пациенттерде қызба кезінде бактериялық инфекциялардың болуына күдіктену (нейтропениясымен)

80-100 мг/кг (ең жоғары тәуліктік доза - 4 г)

Тәулігіне 1 рет

Бактериялық менингит

100 мг/кг (ең жоғары тәуліктік доза - 4 г)

Тәулігіне 1 рет

Бактериялық эндокардит

* қанда бактериялардың болуы анықталғанда едәуір жоғары ұсынылған дозаларды тағайындау қажеттілігін қарастыру керек

** тәулігіне 2 г-ден жоғары дозаны тағайындаған жағдайда препаратты күніне 2 рет енгізуге болады(12 сағат сайын).

Жаңа туған нәрестелерде, сәбилерде және өмірінің 15 күнінен бастап 12 жасқа дейін балаларда дозалау режимі (дене салмағы ˂50 кг)

Жедел ортаңғы отит: әдетте Белацеф препаратының бұлшықет ішіне дене салмағына 50 мг / кг бір реттік дозасы жеткілікті. Ауыр жағдайларда немесе алдыңғы емдеуден әсер болмаған жағдайда Белацеф препаратын 3 күн ішінде тәулігіне 50 мг/кг дозада бұлшықет ішіне енгізу тағайындалуы мүмкін.

Хирургиялық инфекциялардың операция алдындағы профилактикасы: операция алдында дене салмағына 50-80 мг/кг бір реттік дозаны бір рет енгізу.

Кене арқылы берілетін инфекциялық ауру-диссеминацияланған Лайм боррелиозы (II-ІІІ саты): 50-80 мг/кг, тәулігіне бір рет 14-21 күн бойы.

Мерез: әдеттегі ұсынылатын доза тәулігіне бір рет дене салмағына 75-100 мг/кг (4 г-ден көп емес), емдеу ұзақтығы 10-14 күн.

0-14 күндік жаңа туған нәрестелер

Белацеф препаратын 41 аптаға дейінгі жастағы шала туған сәбилерге қолдануға болмайды (гестациялық жасы + туғаннан кейінгі жасы).

Препараттың дозасы*

Енгізу жиілігі

Көрсетілімдері

20-50 мг/кг

Тәулігіне 1 рет

Құрсақ қуысы ағзаларының инфекциялары

Тері мен жұмсақ тіндердің асқынған инфекциялары

Бүйрек және несеп шығару жолдарының асқынған инфекциялары (пиелонефритті қоса)

Ауруханадан тыс пневмония

Ауруханалық пневмония

Сүйектер мен буындардың инфекциялары

Қандағы нейтрофилдер саны төмен пациенттерде қызба кезінде бактериялық инфекциялардың болуына күдіктену (нейтропениясымен)

50 мг/кг

Тәулігіне 1 рет

Бактериялық менингит

Бактериялық эндокардит

* қанда бактериялардың болуы анықталған жағдайда едәуір жоғары ұсынылған дозаларды тағайындау қажеттілігін қарастыру керек. Ең жоғары тәуліктік доза 50 мг/кг-ден асыруға болмайды.

Жаңа туған нәрестелерде арнайы дозалау режимдері (өмірінің 0-14 күн)

Жедел ортаңғы отит: әдетте, дене салмағына 50 мг/кг дозада препаратты бұлшықет ішіне бір рет енгізу жеткілікті.

Хирургиялық инфекциялардың операция алдындағы профилактикасы: операция алдында бір рет дене салмағына 20-50 мг/кг.

Мерез: әдеттегі ұсынылатын доза тәулігіне бір рет дене салмағына 50 мг/кг, емдеу ұзақтығы 10-14 күн.

Емдеу ұзақтығы: емдеу ұзақтығы инфекциялық аурудың ағымына байланысты, әдетте енгізуді температура қалыпқа келгеннен кейін және қоздырғыштың қырылуы расталғаннан кейін кемінде 48-72 сағатта жалғастырады.

Пациенттердің ерекше тобы

Егде жастағылар: бауыр және бүйрек функциясының бұзылуы болмаған кезде ересектерге арналған әдеттегі дозаларды жасына қарай түзетусіз қолданады.

Бауыр жеткіліксіздігі: егер бүйрек функциясының бұзылуы болмаса, әдеттегі дозаны қолданады. Бауыр функциясының ауыр бұзылуында препаратты қолдану туралы деректер жоқ.

Бүйрек жеткіліксіздігі бар пациенттер: егер бауыр функциясының бұзылуы болмаса, әдеттегі дозаны қолданады. Ауыр бүйрек жеткіліксіздігі кезінде Белацефтің тәуліктік дозасы 2 г аспауы тиіс

Бауыр мен бүйректің ауыр жеткіліксіздігі кезінде қолдану: дәрігерқауіпсіздігі мен тиімділігіне бақылау жүргізеді.

Енгізу әдісі мен жолы

Бұлшықет ішіне енгізу: 1 г Белацеф препаратын инъекцияға арналған 1% лидокаинді 3,5 мл-де еріту қажет. Ерітіндіні ірі бұлшықеттерге терең бұлшықетішілік инъекция арқылы енгізу керек. Бір бұлшықетке ең көбі 1 г енгізу керек. 1 г-ден асатын дозаларды бөліп, әр түрлі орындарға енгізу қажет. Белацеф препаратының ерітіндісін вена ішіне енгізу мүмкін болмағанда немесе бұлшықетішілік енгізу жолы осы пациент үшін неғұрлым қолайлы болған жағдайларда ғана бұлшықет ішіне енгізген жөн. Егер еріткіш ретінде лидокаин пайдаланылса, алынған ерітіндіні вена ішіне енгізуге болмайды.

Лидокаинді еріткіш ретінде 15 жастан асқан адамдарда қолданған кезде аллергияның бар-жоғына теріішілік сынама жүргізу ұсынылады. Белацеф препаратын сұйылтар алдында лидокаинді медициналық қолдану жөніндегі нұсқаулықпен танысу және қолдануға қарсы көрсетілімдердің болуын, оның ішінде лидокаинге аллергияның болуын жоққа шығару қажет. 15 жасқа толмаған балаларда лидокаинді Белацеф препаратына еріткіш ретінде пайдалануға тыйым салынады.

Вена ішіне енгізу: 1 г Белацеф препаратын вена ішіне енгізу үшін инъекцияға арналған 10 мл суға ерітеді.Белацефті венаішілік инфузия түрінде кемінде 30 минут (қолайлы енгізу тәсілі) немесе 5 минут бойы венаішілік баяу инъекция түрінде енгізуге болады. 2 г-ден жоғары дозаны вена ішіне енгізу қажет. Инъекция кезінде препаратты венаға (үлкен венаға) немесе вена ішіне енгізуге арналған катетерге тікелей енгізу керек. Емшектегі балалар мен 12 жастан кіші балаларға 50 мг/кг немесе одан жоғары дозаны венаішілік инфузия арқылы (баяу, тамшылатып) енгізу керек.Жаңа туған нәрестелерге (28 күннен кіші) Белацеф препараты вена ішіне, баяу - 60 минут бойы енгізілуі тиіс.

Цефтриаксон-кальций тұнбасының түзілу қаупіне байланысты Белацеф препаратын, егер жаңа туған нәрестелерге (28 күннен кіші) құрамында кальций бар ерітінділерді үздіксіз инфузиялауды қоса, құрамында кальций бар венаішілік ерітінділерді енгізу талап етілсе (немесе күтілсе)қолдануға болмайды. Тұнба түзілу мүмкіндігіне байланысты Белацеф препаратын құрамында кальций бар ерітінділермен (Рингер және Хартман ерітіндісі) ерітуге немесе қосымша сұйылтуға болмайды. Цефтриаксон кальций тұнбасының түзілуі Белацеф препаратын құрамында кальций бар ерітінділермен бір инфузиялық жүйеде араластырған кезде де болуы мүмкін. Демек, цефтриаксон мен құрамында кальций бар ерітінділерді араластыруға немесе бір мезгілде енгізуге болмайды.

Хирургиялық инфекциялардың операция алдындағы профилактикасы үшін Белацеф препараты операцияға дейін 30-90 минут бұрын енгізіледі.

Қолданар алдында препаратты еріту жөніндегі нұсқаулық.

Ерітіндіні дайындағаннан кейін бірден пайдалану ұсынылады. Дайындалған ерітінділер өзінің физикалық және химиялық тұрақтылығын бөлме температурасында 6 сағат бойы (немесе егер сұйылту микроорганизмдерден қорғау ережелерін сақтай отырып жүргізілсе, 2-8 ºC температурада 24 сағат бойы) сақтайды. Еріткеннен кейін ерітінді мөлдір болуы тиіс. Егер онда бөлшектер байқалса, ерітіндіні қолдануға болмайды.

Артық дозаланған жағдайда қабылдануы тиіс шаралар

Симптомдары: жүрек айнуы, құсу және диарея.

Емі: симптоматикалық. Артық дозаланғану кезіндегемодиализ және перитонеальді диализ тиімсіз. Арнайы антидоты жоқ

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну жөніндегі нұсқаулар

Препаратты дәрігердің тағайындауымен ғана қолдану керек.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі

- қандағы эозинофилдер мөлшерінің артуы, лейкоциттер және/немесе тромбоциттер мөлшерінің азаюы

- сұйық нәжіс

- бауыр ферменттері деңгейінің жоғарылауы

-бөртпе.

Жиі емес

- жыныс мүшелерінің зеңдік зақымдануы

- гранулоциттер санының азаюы, қан аздығы, қан ұюының бұзылуы, креатинин деңгейінің жоғарылауы

- бас ауыруы, бас айналу

- жүрек айнуы, құсу

- қышыну, венаның қабынуы (флебит), енгізген орынның ауыруы, дене температурасының жоғарылауы.

Сирек

- жалған жарғақшалы колит

-бронх түйілуі

- несептегі қан, несептегі қант

- ісінулер, есекжем

- қалтырау.

Жиілігі белгісіз (қолда бар деректер бойынша анықтау мүмкін емес)

- қан жасушаларының бұзылуынан туындаған қан аздығы, гранулоциттер есебінен лейкоциттер санының азаюы

-жоғары сезімталдық, анафилаксиялық реакциялар, анафилаксиялық шок, анафилактоидты реакция, дәрілік препаратты қолданған кезде ауру қоздырғышының жаппай қырылуынан туындаған реакция (Яриш-Герксгеймер)

- ұйқы безінің қабынуы, ауыз қуысының қабынуы, тілдің қабынуы

- сезімтал емес микроорганизмдерден туындаған жаңа инфекцияның дамуы

-құрысулар, бас айналуы

- өт қабында цефтриаксонның кальций тұздарының түзілуі, жаңа туған нәрестелерде билирубиннің жоғары деңгейінде, терінің сарғаюымен қатар, функциясының бұзылуымен мидың белгілі бір бөліктері сарыға боялуы мүмкін (ядролық сарғаю)

- бөлінетін несеп мөлшерінің азаюы, несеп шығару жолдарында цефтриаксон тұздарының түзілуі (қайтымды)

- терінің ауыр аллергиялық реакциялары (Стивенс-Джонсон синдромы, уытты эпидермальді некролиз, көп формалы эритема, жедел жайылған экзантема тәрізді пустулез), қандағы эозинофилдер мөлшерінің артуымен және жалпы симптомдары бар дәрілік ауру

- зертханалық зерттеулер көрсеткіштерінің жалған нәтижелері (Кумбс сынамасы, галактоземияға сынамалар, несептегі глюкоза деңгейі).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат- натрий цефтриаксоны1,193 гр (1,000 цефтриаксонға баламалы).

Сыртқы түрінің иісінің, дәмінің сипаттамасы

Ақ немесе сарғыш реңді ақ түсті ұнтақ

Шығарылу түрі және қаптамасы

Цефтриаксонға шаққанда 1.0 г белсенді заттан III типті гидролитикалық түссіз шыныдан жасалған 20 H құтыларға құйылып, I типті резеңке тығындармен тығындалады және алюминий қалпақшалармен бұралады. 5 құтыдан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

Сақтау мерзімі 3 жыл

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында25°С-ден аспайтын температурада сақтау керек.

Балалардың қолы жетпейтін жерде сақтау керек!

Препарат сұйылтылғаннан кейін (2 - 8) °C температурада сақталған жағдайда тәулік ішінде тұрақты.

Балалардың қолы жетпейтін жерде сақтау керек

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші туралы мәлімет

Balkanpharma-Razgrad AD, Болгария

бул. Апрельского восстания 68, 7200 Разград,

Телефон: (+359 84) 660 999

Факс: (+359 84) 634 272

Электрондық поштасы: office@antibiotic.bg

Тіркеу куәлігінің ұстаушысы

Belinda Laboratories LLP., Ұлыбритания

Астра Хаус, Арклоу Роуд, Лондон, SE14 6EB

Тел: +91 8527459991

Поштасы: info@belinda.uk.com

Қазақстан Республикасындамүддесін қорғау мақсатында ТКҰ тағайындаған өкіл:

"Нео Лайф" ЖШС, 050010, Қазақстан Республикасы, Алматы қ.,

Көк- Төбе ықш.ауд.,Роза Бағланова к-сі, №83А үй

Тел.: +7 (727) 271 80 78; +7 775 772 98 09 , info@neolife.kz

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта):

«Cepheus Medical» (Цефей Медикал) ЖШС,

050000, Қазақстан Республикасы, Алматы қ.,Панфилов к-сі 98,«OLD SQUARE» БО,

телефон: +7 (727) 300 69 71, +7 777 175 00 99 (тәулік бойы),

электронды пошта: cepheusmedical@gmail.com